12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
ԱԱԾ պետը` անհետ կորածներին ադրբեջանական կողմի հետ համատեղ որոնելու մասին․ ՏԵՍԱՆՅՈՒԹ
Հասարակություն
04.06.2025 | 17:37
Հանդիպում տեղի է ունեցել, որի ժամանակ քննարկվել է անհետ կորածների ճակատագիրը, հնարավոր որոնողական աշխատանքները և նման բնույթի այլ հարցեր։ ԱԺ-ում լրագրողների հետ ճեպազրույցում ասաց ԱԱԾ տնօրեն Արմեն Աբազյանը` անդրադառնալով Ադրբեջանի ԱԱԾ տնօրենի հետ հանդիպմանը։
Արմեն Աբազյանն ասաց, որ նախնական պայմանավորվածություն է ձեռք բերվել, որ աշխատանքները լինեն շարունակական։ Նա հանդիպումը դրական որակեց։
Արմեն Աբազյանն անպատասխան թողեց հարցն` արդյո՞ք Նիկոլ Փաշինյանից հանձնարարություն ստացել է պարզել Գարեգին Բ-ի կողմից կուսակրոնության ուխտի ենթադրյալ խախտման դեպքը։
Հիշեցնենք, որ այսօր առավոտյան ՀՀ Ազգային անվտանգության ծառայությունից տեղեկացրել էին, որ տեղի է ունեցել Հայաստանի և Ադրբեջանի անհայտ կորածների հարցերով զբաղվող հանձնաժողովների ներկայացուցիչների հանդիպում։
Նարեկ Կիրակոսյան
