07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Բաքուն հաստատում է, որ Ստեփանակերտում և Արցախի այլ բնակավայրերում քանդում է հայերի տները
02.06.2025 | 18:39
Ադրբեջանի իշխանությունները հաստատում են, որ էթնիկ զտման ենթարկած Ստեփանակերտում և Արցախի այլ բնակավայրերում հայերի կողմից կառուցված և նրանց պատկանող տների ու շինությունների քանդման աշխատանքներ է իրականացնում։ Մասնավորապես, Ստեփանակերտում, Մարտակերտի ու Իվանյանի շրջաններում Ադրբեջանի նախագահի հատուկ ներկայացուցիչ Էլչին Յուսուբովը Ստեփանակերտում անցկացված կրթության ֆորումի ժամանակ հայտարարել է, թե, իբր, «իրականացվող լայնածավալ շինարարական և վերականգնողական աշխատանքների շրջանակում տարածքում քանդվում են օկուպացիայի ժամանակաշրջանից մնացած անօրինական շինությունները»։
Նա նշել է, թե, իբր, Ստեփանակերտում, Մարտակերտի և Իվանյանի շրջաններում, որոնք «ավելի քան 30 տարի գտնվում էին օկուպացիայի տակ, հայերի կողմից կառուցվել են զգալի թվով ինքնակամ շինություններ»։
«Այս քաոսային կառուցված շինությունները զգալի վնաս են հասցրել քաղաքների և շրջանների ճարտարապետական ոճին: Այս շենքերի մեծ մասը, որոնք չեն պատկանում Ադրբեջանի ճարտարապետական ոճին, շատ ցածր որակի էին: Այդ պատճառով դրանք քանդվում են»,- հայտարարել է Յուսուբովը։
Հավելենք, որ համացանցում պարբերաբար են տեսանյութեր տարածվում, թե ինչպես են Ադրբեջանի կողմից ապօրինի քանդվում և յուրացվում Արցախի տարբեր շրջաններում հայերին պատկանող տներն ու շինությունները։
Թարգմանությունները՝ Էմմա Չոբանյանի
