Քաղաքականություն
26.05.2025 | 22:59
Ադրբեջանի բանակում զինծառայող է մահացել։ Տեղական լրատվամիջոցների հաղորդմամբ՝ զինծառայող Ֆարիզ Իսաևը մահացել է Օղուզի շրջանի Խաչմազ գյուղից մեկ ամիս առաջ զորակոչվելուց հետո։
Նշվում է, որ 20-ամյա շարքայինը մահացել է մայիսի 10-ին՝ երդմնակալության արարողությունից երեք օր անց։ Դեպքի մասին լրատվամիջոցներին այսօր են հայտնել։
Նախնական տեղեկությունների համաձայն՝ երիտասարդը բարձր ջերմություն է ունեցել, նրան հակաբիոտիկներ են նշանակել։ Ենթադրվում է, որ ներարկումն առաջացրել է անաֆիլակտիկ շոկ, որը հանգեցրել է մահվան։
Ադրբեջանի գլխավոր դատախազությունից հայտնել են, որ N զորամասի զինծառայող Ֆարիզ Իսաևի մահվան կապակցությամբ Սումգայիթի զինվորական դատախազության և Ադրբեջանի զինվորական դատախազության դատաբժշկական բաժնի աշխատակիցները զննել են դեպքի վայրը, նշանակել փորձաքննություն՝ մահվան պատճառը պարզելու համար։
Ադրբեջանական Կասպիական ռազմական հետազոտությունների ինստիտուտն ավելի վաղ հայտնել էր, որ
Ադրբեջանում 2024 թվականին զոհվել է 51 զինծառայող, մինչդեռ 2025 թվականի առաջին հինգ ամիսների ընթացքում՝ 14 զինծառայող։
Թարգմանությունը՝ Էմմա Չոբանյանի
