12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Ադրբեջանում 2024 թվականին զոհվել է 51 զինծառայող, 2025-ի առաջին հինգ ամիսներին` 14 զինծառայող
Քաղաքականություն
15.05.2025 | 23:31
Ադրբեջանում 2024 թվականին զոհվել է 51 զինծառայող, մինչդեռ 2025 թվականի առաջին հինգ ամիսների ընթացքում՝ 14 զինծառայող։ Ադրբեջանական Կասպիական ռազմական հետազոտությունների ինստիտուտի համաձայն՝ բոլորը ոչ մարտական զոհեր են։
Ընդհանուր առմամբ, 2025 թվականին 2 զինծառայող մահացել է ավտովթարներից, 2-ը՝ տարբեր վթարներից (ձնահոսքերից), 4-ը՝ տարբեր հիվանդություններից, 4-ը՝ ինքնասպանությունից, 1-ը՝ ականի պայթյունից և 1-ը՝ անհայտ պատճառով։
Զոհվածներից 11-ը Պաշտպանության նախարարության զինծառայողներ են, 2-ը Պետական սահմանապահ ծառայությունից են և 1-ը՝ Արտակարգ իրավիճակների նախարարությունից։
Ընդհանուր առմամբ, 2025 թվականին տարբեր պատճառներով վիրավորվել է առնվազն 4 զինծառայող։
Կասպիական ռազմական հետազոտությունների ինստիտուտի ուսումնասիրության համաձայն՝ Ադրբեջանի անվտանգության և պաշտպանության ոլորտը 2024 թվականին կորցրել է առնվազն 51 զինծառայողի։ Նրանցից 49-ը ոչ մարտական կորուստներ են, իսկ 2-ը՝ զինծառայողներ, որոնք վիրավորվել են և երկար ժամանակ կոմայի մեջ են գտնվել 2023 թվականի սեպտեմբերին Արցախում ռազմական ագրեսիայից հետո։
Ընդհանուր առմամբ, 2024 թվականին ճանապարհատրանսպորտային պատահարների հետևանքով մահացել է 15 մարդ, 5-ը՝ տարբեր վթարներից, 12-ը՝ թունավորումներից և հիվանդություններից, 10-ը՝ ինքնասպանություններից, 2-ը՝ Արցախի դեմ ագրեսիայի հետևանքով, 4-ը՝ անօրինական գործողություններից, 2-ը՝ անփութությունից և 1-ը՝ անհայտ պատճառով։
Հաղորդվում է, որ 2024 թվականին տարբեր պատճառներով վիրավորվել կամ առնվազն 20 զինծառայող։
Թարգմանությունը՝ Էմմա Չոբանյանի
