Հայտնաբերվել է 13 հետախուզվող․ ՆԳՆ

Բացահայտվել է 242 հանցագործություն, որոնցից 4-ը՝ նախկինում կատարված․ հայտնում են ՆԳՆ ոստիկանությունից։

Մասնավորապես՝ 33 դեպք՝ մարմնական վնասվածք պատճառելու, 28 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 24 դեպք՝ ֆիզիկական ներգործության, 21-ական դեպք՝ թմրանյութի հայտնաբերման և հոգեկան ներգործության, 13-ական դեպք՝ պաշտոնեական կեղծիքի կամ անփութության և անձնական ունեցվածքի գողության, 12 դեպք՝ խարդախության, 9 դեպք՝ գույքը ոչնչացնելու կամ վնասելու, 7 դեպք՝ խուլիգանության, 5 դեպք՝ ինքնիրավչության, 3-ական դեպք՝ թմրանյութի իրացման, պետական սահմանն ապօրինի հատելու և բնակարանային գողության, 2-ական դեպք՝ դրամանենգության, թմրանյութի մաքսանենգության, ավազակության, շորթման և զենք-զինամթերքի առգրավման։

Բացահայտվել են նաև սպանության, պաշտոնական լիազորությունների չարաշահման, ծառերը թփերը ապօրինի հատելու, փաստաթղթեր կեղծելու և այլ դեպքեր։

Նախկինում կատարված հանցագործություններից բացահայտվել է՝ անձնական ունեցվածքի գողության՝ 3 դեպք, ճանապարհատրանսպորտային հանցագործության՝ 1 դեպք։

Հայտնաբերվել է 13 հետախուզվող, կամավոր ներկայացել՝ 2-ը:

Հայտնաբերվել է 2 անհետ կորած:

Գրանցվել է զենք-զինամթերքի կամավոր հանձնման 1 դեպք։

ՃՏՊ վիճակագրություն

Անցած 3 օրում գրանցված 30 ավտովթարի հետևանքով 8 մարդ զոհվել է, 36-ը՝ ստացել տարբեր աստիճանի մարմնական վնասվածքներ։