08.09.2026 | 12:33
Բեռլինում բողոքի ցույցեր են․ ՏԵՍԱՆՅՈՒԹ
Իտալիայի հատուկ նշանակության ուժերի ներկայացուցիչներն Ադրբեջանում են․ փորձագիտական հանդիպում է անցկացվել
Քաղաքականություն
23.05.2025 | 23:29
Ադրբեջանում տեղի է ունեցել Ադրբեջանի և Իտալիայի հատուկ նշանակության ուժերի ներկայացուցիչների փորձագիտական հանդիպում: Այցի շրջանակում իտալական պատվիրակությունն այցելել է հատուկ նշանակության ուժերի զորամասերից մեկը, հաղորդում է Ադրբեջանի ՊՆ-ն։
Այցի ընթացքում պատվիրակությանը ներկայացվել է Ադրբեջանի հատուկ նշանակության ուժերի ստեղծման պատմությունը և մարտական ուղին։ Հանդիպման մասնակիցները մտքեր են փոխանակել երկկողմ ռազմական համագործակցության և փոխադարձ հետաքրքրություն ներկայացնող այլ հարցերի շուրջ։
Իտալական կողմը ծանոթացել է ադրբեջանական զինծառայողների նյութատեխնիկական աջակցությանը, այդ թվում՝ զենքի նմուշներին, անօդաչու թռչող սարքերին և ծառայության մեջ գտնվող այլ միջոցներին։
Իտալական պատվիրակությունը դիտել է նաև հատուկ նշանակության ուժերի ստորաբաժանումների մարտական պատրաստության ցուցադրական ելույթները։
Հավելենք, որ Իտալիան ու Ադրբեջանն ակտիվորեն համագործակցում են ռազմական ոլորտում։ Նախորդ տարի Բաքուն իտալական Leonardo ընկերության արտադրած C-27J Spartan ռազմատրանսպորտային ինքնաթիռ էր ձեռք բերել։
Թարգմանությունը՝ Էմմա Չոբանյանի
