Պուտինը չի մեկնի Վատիկան․ ՌԴ-ն հետաքրքրված չէ այնտեղ Ուկրաինայի հարցով բանակցությունների անցկացմամբ․ Bloomberg

Լուրեր

19.11.2026 | 11:39
Գնում ենք հանրաքվեի, եթե Սահմանադրությունն անցնում է, հաջորդ ընտրություններում վարչապետի թեկնածու չեմ առաջադրվում. Փաշինյան
19.11.2026 | 11:39
Ուկրաինայի ԶՈՒ-ն անուղղակիորեն հայտնել է Ղրիմի կամրջի երկաթուղային հատվածի ավերվելու մասին
19.11.2026 | 11:30
Հայաստանը հրավիրվել է մասնակցելու ԱՄՆ-ում կայանալիք G20-ի գագաթնաժողովին
19.11.2026 | 11:22
Հաջորդ ամիս այցելելու եմ Ադրբեջան. Ալեն Սիմոնյան․ ՏԵՍԱՆՅՈՒԹ
19.11.2026 | 11:14
Ամփոփիչ մրցաշար. Ալկարասը և Տիաֆոն հաղթել են. ՏԵՍԱՆՅՈՒԹ
19.11.2026 | 11:11
Անհետ կորածների վերաբերյալ մեզ հետաքրքրող բազմաթիվ հարցերի պատասխաններն Ադրբեջանում են․ Փաշինյան
19.11.2026 | 11:05
Սի Ցզինպինի հետ հանդիպմանը Թրամփը բարձր է գնահատել իրենց անձնական հարաբերությունները
19.11.2026 | 11:00
Կառավարության նիստը՝ ՈՒՂԻՂ
19.11.2026 | 11:00
Արմավիր համայնքի ղեկավարը ևս դատի է տվել Իրինա Յոլյանին․ պահանջում է ԱԺ ամբիոնից հերքում և 3 մլն դրամ
19.11.2026 | 10:51
Ուկրաինան կրկին հարվածել է Ղրիմի կամրջին․ երթևեկությունը դադարեցված է
19.11.2026 | 10:43
Total Chess. Հայկ Մարտիրոսյանն ու Լևոն Արոնյանը հաղթանակներ են տարել
19.11.2026 | 10:33
Թրամփն ու Պուտինը բանակցություններ են անցկացրել․ հայտնի է՝ ինչ հարցեր են քննարկել
19.11.2026 | 10:25
Մեկնարկել է կենսաթոշակառուների՝ անկանխիկ գործարքների դիմաց հոկտեմբեր ամսվա հետվճարների տրամադրումը
19.11.2026 | 10:10
Արտարժույթների փոխարժեքները՝ նոյեմբերի 19-ի դրությամբ
19.11.2026 | 10:07
Հրանտ-Լեոն Ռանոսը դուբլի հեղինակ է դարձել Իսպանիայի գավաթի խաղում. ՏԵՍԱՆՅՈՒԹ
Բոլորը

ԱՄՆ-ի ու Եվրոպայի առաջնորդները հույսեր ունեն, որ Վատիկանը կներգրավի Ռուսաստանին և Ուկրաինային խաղաղության բանակցություններում, այն բանից հետո, երբ ԱՄՆ նախագահ Դոնալդ Թրամփը հայտարարել է, որ Հռոմի պապ Լևոն XIV-ը հետաքրքրություն է ցուցաբերել այդ գաղափարի նկատմամբ։ Կրեմլը, սակայն, այդքան էլ հետաքրքրված չէ, գրում է Bloomberg-ը։

Ռուսաստանում ներկայում չեն ծրագրում, որ նախագահ Վլադիմիր Պուտինը մեկնի Վատիկան կամ որևէ այլ վայր՝ բանակցությունների համար, փոխարենը նրանք կենտրոնացած են անցյալ շաբաթ Ստամբուլում սկսված տեխնիկական մակարդակի բանակցությունների վրա: Այս մասին լրատվամիջոցին ասել են իրավիճակին ծանոթ անձինք՝ անանունության պայմանով։

Նրանցից մեկի փոխանցմամբ՝ Կրեմլն ակնկալում է, որ այդ բանակցությունները կվերսկսվեն Ստամբուլում։

Վատիկանը որպես բանակցությունների վայր, ըստ Bloomberg-ի, Ռուսաստանի իշխանություններին հարմար չէ մի շարք պատճառներով։ Մասնավորապես, Պուտինը չի մեկնի Իտալիա, որը ՆԱՏՕ-ի անդամ երկիր է՝ անվտանգության նկատառումներից ելնելով, բացի այդ, Ռուսաստանը Վատիկանին չեզոք չի համարում հակամարտության մեջ։ Այս մասին հայտարարել է քաղաքագետ Սերգեյ Մարկովը։

Bloomberg-ը նաև հիշեցնում է, որ Իտալիան վավերացրել է Հռոմի կանոնադրությունը, ինչը ենթադրում է, որ պետք է կալանավորի Պուտինին ՝Միջազգային քրեական դատարանի կողմից տրված ձերբակալման օրդերի հիման վրա։

Բացի այդ, լրատվամիջոցների աղբյուրների համաձայն՝ Ռուս ուղղափառ եկեղեցին դեմ է Վատիկանի մասնակցությանը խաղաղության բանակցություններին։ Նրանք Հռոմի կաթոլիկ եկեղեցին համարում են պատմական մրցակից Ուկրաինայում և դժգոհ են, որ Վատիկանը չի դատապարտել ռուս ուղղափառ եկեղեցիների փակումը Ուկրաինայի իշխանությունների կողմից։

Մոսկվան նախընտրում է Թուրքիան որպես հարթակ ապագա խաղաղության հուշագրի պայմանները քննարկելու համար, Bloomberg-ին հայտնել են Կրեմլին մոտ կանգնած երեք աղբյուրներ։

Գործակալության աղբյուրները նաև հայտնել են, որ ԱՄՆ-ը ներկայում կապի մեջ է Կիևի հետ՝ բանակցություններին նպաստելու համար, միևնույն ժամանակ, ազդանշան է տալիս Մոսկվային, որ անցանկալի է, որ խորհրդակցություններին մասնակցեն կոշտ գծի կողմնակիցներ, ինչպիսին է Վլադիմիր Մեդինսկին, որը Ռուսաստանի նախագահի օգնականն է և գլխավորել է ռուսական պատվիրակությունը Ստամբուլում կայացած բանակցություններում այս տարվա մայիսի 16-ին և 2022 թվականին։

Հիշեցնենք, որ նախօրեին ՌԴ նախագահի մամուլի խոսնակ Դմիտրի Պեսկովը հայտարարել էր, որ Ուկրաինայում հակամարտության շուրջ բանակցությունների մասնակիցները չեն պայմանավորվել հանդիպել Վատիկանում։

The Wall Street Journal-ը, հղում անելով սեփական աղբյուրներին, գրել էր, որ ԱՄՆ նախագահ Դոնալդ Թրամփը մայիսի 19-ին եվրոպացի առաջնորդների հետ զրույցի ժամանակ հայտարարել է, թե Ռուսաստանի և Ուկրաինայի պատվիրակությունների միջև հաջորդ բանակցությունները տեղի կունենան Վատիկանում։ Վաշինգտոնը բանակցություններում կներկայացնեն ԱՄՆ պետքարտուղար Մարկո Ռուբիոն և Ուկրաինայի հարցով նախագահի հատուկ բանագնաց Քիթ Քելլոգը։

Թարգմանությունը՝ Էմմա Չոբանյանի