13.01.2026 | 10:05
Լարս ավտոճանապարհը փակ է բոլոր տեսակի տրանսպորտային միջոցների համար
Պեսկովը մեկնաբանել է Վատիկանում ռուս-ուկրաինական բանակցությունների անցկացման մասին լուրերը
Քաղաքականություն
22.05.2025 | 17:47
Ուկրաինայում հակամարտության շուրջ բանակցությունների մասնակիցները չեն պայմանավորվել հանդիպել Վատիկանում, հայտարարել է ՌԴ նախագահի մամուլի քարտուղար Դմիտրի Պեսկովը, գրում է ՌԲԿ-ն։
Նա նշել է, որ ռուս և ուկրաինացի բանակցողների հաջորդ հանդիպման հարցի վերաբերյալ որևէ կոնկրետ պայմանավորվածություն չկա։
«Դա դեռ պետք է համաձայնեցվի։ Աշխատանքներ են տարվում Ստամբուլում ձեռք բերված պայմանավորվածությունները կյանքի կոչելու ուղղությամբ»,- հայտարարել է Պեսկովը։
Նա այսպես է մեկնաբանել The Wall Street Journal-ի հրապարակումը, որը, հղում անելով սեփական աղբյուրներին, գրել էր, որ ԱՄՆ նախագահ Դոնալդ Թրամփը մայիսի 19-ին եվրոպացի առաջնորդների հետ զրույցի ժամանակ հայտարարել է, թե Ռուսաստանի և Ուկրաինայի պատվիրակությունների միջև հաջորդ բանակցությունները տեղի կունենան Վատիկանում։ Վաշինգտոնը բանակցություններում կներկայացնեն ԱՄՆ պետքարտուղար Մարկո Ռուբիոն և Ուկրաինայի հարցով նախագահի հատուկ բանագնաց Քիթ Քելլոգը։
Ֆինլանդիայի նախագահ Ալեքսանդր Ստուբն իր հերթին է հայտարարել, որ Ուկրաինայի և Ռուսաստանի ներկայացուցիչների միջև պատերազմի ավարտի վերաբերյալ «տեխնիկական» բանակցությունները կարող են շարունակվել Վատիկանում մի քանի օրից։
Թարգմանությունը՝ Էմմա Չոբանյանի
