16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Պուտինը հայտարարել է, որ Ուկրաինայի հետ սահմանին «անվտանգության գոտու» ստեղծման աշխատանքներ են ընթանում
Քաղաքականություն
22.05.2025 | 20:57
ՌԴ նախագահ Վլադիմիր Պուտինը Կուրսկի մարզ կատարած այցից հետո կառավարության անդամների հետ հանդիպման ժամանակ հայտարարել է, որ ռուսական բանակն «անվտանգության գոտի» է ստեղծում Ռուսաստանի և Ուկրաինայի սահմանի երկայնքով, գրում է BBC-ի ռուսական ծառայությունը։
«Հակառակորդի կրակակետերն ակտիվորեն ճնշվում են… աշխատանքներ են տարվում»,- ասել է Պուտինը՝ առանց այլ մանրամասներ հաղորդելու։
ՌԴ նախագահը Կուրսկի մարզ էր այցելել մայիսի 20-ին, սակայն այդ մասին հայտնի է դարձել միայն հաջորդ օրը։ Ռուսական լրատվականների հաղորդմամբ՝ դա նրա առաջին այցն էր տարածաշրջան այն բանից հետո, երբ, ըստ ՌԴ ԳՇ-ի, ռուսական բանակն ապրիլին դուրս էր մղել Ուկրաինայի զինված ուժերին Կուրսկի մարզից։
Պուտինը մեկ անգամ չէ, որ խոսել է «անվտանգության» կամ «սանիտարական» գոտի ստեղծելու հեռանկարների մասին, այդ թվում՝ մինչև Ուկրաինայի զինված ուժերի կողմից Կուրսկի մարզ 2024 թվականի օգոստոսին ներխուժումը։ Դրա ստեղծումը բացատրվել էր Ռուսաստանի սահմանային տարածքները հրետակոծությունից պաշտպանելու անհրաժեշտությամբ։
«Ստեղծել որոշակի սանիտարական գոտի Ուկրաինայի տարածքում այնպիսի հեռավորության վրա, որից անհնար լինի հասնել մեր տարածք»,- ասել էր Պուտինը 2023 թվականին։
Թարգմանությունը՝ Էմմա Չոբանյանի
