16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Պուտինն առաջին անգամ Կուրսկի մարզ է այցելել՝ «Ուկրաինայի ԶՈՒ-ից շրջանի ազատագրման մասին» հայտարարելուց հետո
Քաղաքականություն
21.05.2025 | 11:27
ՌԴ նախագահ Վլադիմիր Պուտինն այցելել է Կուրսկի մարզ, հայտնել է Կրեմլի մամուլի ծառայությունը, գրում է Meduza-ն։
Ըստ հաղորդագրության՝ Պուտինը հանդիպել է «կամավորական կազմակերպությունների ներկայացուցիչների» և շրջանի ղեկավարի պաշտոնակատար Ալեքսանդր Խինշտեյնի հետ, ինչպես նաև այցելել Կուրչատով քաղաք, որտեղ եղել է կառուցվող Կուրսկի ԱԷԿ-2-ում։
Կամավորների հետ հանդիպմանը Պուտինը հայտարարել է, որ «ուկրաինական ուժերը դեռևս փորձում են շարժվել դեպի Ռուսաստանի սահման»։
Պուտինի Կուրսկի մարզ կատարած այցը առաջինն է ապրիլի վերջից ի վեր, երբ Ռուսաստանի Պաշտպանության նախարարությունը հայտարարել էր ուկրաինական զորքերից շրջանի լիակատար ազատագրման մասին։ Կիևը, մինչդեռ, հայտարարել էր, որ Ուկրաինայի զինված ուժերի որոշ ստորաբաժանումներ դեռևս գտնվում են Ռուսաստանի տարածքում։
Մինչ այս, Պուտինը Կուրսկի մարզ էր այցելել մարտին՝ Սուջա քաղաքի նկատմամբ ռուսական վերահսկողությունը վերականգնելուց հետո։
Թարգմանությունը՝ Էմմա Չոբանյանի
