13.01.2026 | 10:16
Պետդեպարտամենտում այսօր Մարկո Ռուբիոն կընդունի Արարատ Միրզոյանին
ԱՄՆ Վիրջինայում ԿՀՎ կենտրոնակայանի մոտ հրաձգություն է տեղի ունեցել
Քաղաքականություն
22.05.2025 | 19:33
Հինգշաբթի առավոտյան ԱՄՆ Վիրջինիա նահանգում գտնվող Կենտրոնական հետախուզական վարչության (ԿՀՎ) գլխավոր գրասենյակի մոտ անվտանգության աշխատակիցները կրակ են բացել մի անձի ուղղությամբ, հայտնում է NBC News-ը։
Կրակոցները հնչել են վաղ առավոտյան, ինչը ԿՀՎ-ն անվանել է «անվտանգության հետ կապված միջադեպ»։
Դաշնային իրավապահ մարմինների աղբյուրը հայտնել է, որ կասկածյալը կին է, այլ մանրամասներ չեն հրապարակվել։ ԿՀՎ-ի խոսնակը նշել է, որ շենքի գլխավոր ելքը ներկայում փակ է, անձնակազմին խորհուրդ է տրվել փնտրել այլընտրանքային ուղիներ։
Ըստ աղբյուրի՝ այս միջադեպը տեղի է ունեցել Վաշինգտոնում Իսրայելի դեսպանատան երկու աշխատակցի սպանությունից հետո, սակայն երկու միջադեպերի միջև որևէ կապի մասին տեղեկություն չկա։
Թարգմանությունը՝ Էմմա Չոբանյանի
