04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Քաղաքապետարանի ձերբակալված պաշտոնյաները կալանավորվել են
Հասարակություն
21.05.2025 | 14:53
Երեկ ձերբակալված Երևանի քաղաքապետարանի երկու պաշտոնյաները կալանավորվել են։ Նրանք մեղադրվում են կաշառք ստանալու համար։ Factor.am-ի հարցին ի պատասխան՝ այս մասին հայտնեց Հակակոռուպցիոն կոմիտեի մամուլի խոսնակ Մարինա Օհանջանյանը։
Կոմիտեն երեկ առավոտյան քաղաքապետարանի երկրորդ մասնաշենքում ապացուցողական և այլ գործողություններ էր իրականացրել քննվող քրեական վարույթի շրջանակում։
Մեր տեղեկություններով` գործողություններն իրականացվել են Հասարակական կարգի պահպանության ծառայությունում։ Փետրվարի սկզբին էլ ձերբակալվել էր նույն վարչության պետ Արամ Գյուլզադյանը: Նրանից բացի՝ ձերբակալվել էին նաև 2018 թվականին Երևանի քաղաքապետարանի աշխատակազմի քաղաքաշինության և հողի վերահսկողության վարչության պետի պաշտոնը զբաղեցրած փաստաբան Ռոբերտ Դարբինյանը, այդ ժամանակ նրա տեղակալի պաշտոնը զբաղեցրած Արամ Այվազյանը, այլ ներկա և նախկին պաշտոնյաներ: Այդ գործով, ըստ Հակակոռուպցիոն կոմիտեի, ավելի քան 10 մեղադրյալ կա, բայց վարույթն իրականացնող մարմինն անուններ չի նշում:
Արփի Հակոբյան
