09.02.2026 | 23:09
V-BAT հետախուզական ԱԹՍ-ը՝ Հայաստանում. Պապիկյանը՝ ՀՀ-ԱՄՆ համագործակցության մեկնարկի մասին
Քաղաքապետարանի երկու պաշտոնյա ձերբակալվել է կաշառք ստանալու մեղադրանքով
Հասարակություն
20.05.2025 | 10:50
Կաշառք ստանալու մեղադրանքով ձերբակալվել է քաղաքապետարանի 2 պաշտոնատար անձ։ Այս մասին Factor.am-ի հարցին ի պատասխան հայտնեց Հակակոռուպցիոն կոմիտեի մամուլի խոսնակ Մարինա Օհանջանյանը։
«Քաղաքապետարանում ապացուցողական և այլ վարութային գործողություններ իրականացվում են Հակակոռուպցիոն կոմիտեում քննվող քրեական վարույթի շրջանակում։ Այլ մանրամասներ դեռևս չենք հայտնում` նախաքննության շահերից ելնելով»,- պարզաբանեց խոսնակը:
Երևանի քաղաքապետարանի գլխավոր մասնաշենքում ավագանու նիստն է ընթանում: Նիստի շտապող փոխքաղաքապետ Սուրեն Գրիգորյանը Factor.am-ի հարցին կարճ արձագանքեց, որ տեղյակ է քաղաքապետարանի 2-րդ մասնաշենքում խուզարկության մասին: Նշենք, որ մեր տեղեկություններով` գործողություներն իրականացվում են Հասարակական կարգի պահպանության ծառայությունում:
Հիշեցնենք, որ փետրվարի սկզբին ձերբակալվել էր նույն վարչության պետը` Արամ Գյուլզադյանը: Բացի նրանից, ձերբակալվել էին նաև 2018 թվականին Երևանի քաղաքապետարանի աշխատակազմի քաղաքաշինության և հողի վերահսկողության վարչության պետի պաշտոնը զբաղեցրած փաստաբան Ռոբերտ Դարբինյանը, այդ ժամանակ նրա տեղակալի պաշտոնը զբաղեցրած Արամ Այվազյանը, նաև այլ ներկա և նախկին պաշտոնյաներ: Այդ գործով, ըստ Հակակոռուպցիոն կոմիտեի, ավելի քան 10 մեղադրյալ կա, բայց վարույթն իրականացնող մարմինն անուններ չի նշում:
Արփի Հակոբյան
