13.01.2026 | 14:00
Կաշկանդված չենք քննադատել Սոլովյովի հայտարարությունը․ Իշխան Սաղաթելյան․ ՏԵՍԱՆՅՈՒԹ
Ինչպես է բացահայտվել Մխչյանի դպրոցի դեպքը․ նոր մանրամասներ․ ՏԵՍԱՆՅՈՒԹ
20.05.2025 | 12:42
«Մխչյանի դեպքով քրեական ոստիկանության և համայնքային ոստիկանության համատեղ աշխատանքի արդյունքում ի հայտ է եկել այս տեղեկատվությունը, ինչի արդյունքում անձինք հրավիրվել են ոստիկանություն։ Այսինքն, ենթադրյալ բռնության ենթարկված կողմը և ենթադրյալ կատարած կողմը ոստիկանության բաժին չեն ներկայացել սեփական նախաձեռնությամբ, չեն դիմել, դիմումով կամ ահազանգով չի ստացվել տեղեկությունը»,- այսօր հրավիրված մամուլի ասուլիսի ժամանակ անդրադառնալով Մխչյան գյուղի դպրոցի դեպքին՝ ասաց ՀՀ ՆԳՆ համայնքային ոստիկանության գլխավոր վարչության մասնագիտական մեթոդական աջակցության վարչության պետ Էդգար Պետրոսյանը։
ՀՀ քննչական կոմիտեի մարդկանց թրաֆիքինգի, անչափահասների սեռական անձեռնմխելիության դեմ ուղղված և թմրամիջոցների ապօրինի շրջանառության հանցագործությունների քննության վարչության պետ Հովհաննես Համբարյանն էլ դեպքից որոշ մանրամասներ ներկայացրեց։
«2025 թվականի մայիսի 12-ին ստացվել է հաղորդում այն մասին, որ Մխչյան գյուղի դպրոցում 4-րդ դասարանի և ավագ դպրոցի մի քանի երախաների միջև տեղի է ունեցել միջադեպ, որի ժամանակ երեխաների քթանցքներին քսել են սպիտակ փոշենման զանգված և այդ տեղեկությունը չհրապարակելու դիմաց պահանջել գումարներ։ Ուզում եմ շեշտել, որ տեղեկություններ են տարածվել, թե երեխաների մոտ առաջացել է կախվածություն և սկսել են գումարներ գողանալ՝ նոր խմբաքանակ ձեռք բերելու համար, քրեական վարույթում նման տվյալներ առկա չեն»,- նշեց Համբարյանը։
Մանրամասները՝ տեսանյութում։
