29.04.2026 | 21:52
Թրամփը Սպիտակ տանը հանդիպել է էներգետիկ ընկերությունների ղեկավարների հետ
Զելենսկին եվրոպացի առաջնորդների հետ միասին զանգահարել է Թրամփին, քննարկել Ստամբուլում ռուս-ուկրաինական բանակցությունները
Քաղաքականություն
16.05.2025 | 18:51
Ուկրաինայի նախագահ Վլադիմիր Զելենսկին եվրոպացի առաջնորդների հետ միասին զանգահարել է ԱՄՆ նախագահ Դոնալդ Թրամփին։ Նրանք քննարկել են Ստամբուլում Ուկրաինայի և Ռուսաստանի միջև բանակցությունները։ ՌԲԿ Ուկրաինայի փոխանցմամբ՝ այս մասին լրագրողներին հայտնել է Ուկրաինայի նախագահի մամուլի քարտուղար Սերգեյ Նիկիֆորովը։
Նրա խոսքով՝ Թրամփի հետ հեռախոսազրույցին մասնակցել են Զելենսկին, Ֆրանսիայի նախագահ Էմանուել Մակրոնը, Գերմանիայի կանցլեր Ֆրիդրիխ Մերցը, Մեծ Բրիտանիայի վարչապետ Քիր Սթարմերը և Լեհաստանի վարչապետ Դոնալդ Տուսկը։
Զելենսկին նույնպես հաստատել է Թրամփի հետ բանակցությունները։
«Ուկրաինան պատրաստ է ձեռնարկել ամենաարագ քայլերը իրական խաղաղության համար, և կարևոր է, որ աշխարհը պահպանի ամուր դիրքորոշում»,- նշել է նա՝ հավելելով, որ առաջնորդների դիրքորոշումն այն է, որ եթե Ռուսաստանը հրաժարվի դադարեցնել կրակը և սպանությունները, նրա դեմ կկիրառվեն խիստ պատժամիջոցներ։
Հիշեցնենք, որ այսօր ավելի վաղ Ստամբուլում կայացել էին ռուս-ուկրաինական բանակցությունները։
Թարգմանությունը՝ Էմմա Չոբանյանի
