09.08.2026 | 00:05
Էդգար Սևիկյանը խաղացել է Մադրիդի «Ռեալի» դեմ. ՏԵՍԱՆՅՈՒԹ
Ստամբուլում հանդիպմանը Մոսկվան պահանջել է ուկրաինական բանակի դուրսբերում բռնակցված շրջաններից
Քաղաքականություն
16.05.2025 | 18:18
Ստամբուլի բանակցությունների ընթացքում Ռուսաստանի կողմից ներկայացված պահանջներն «անիրատեսական» են և գերազանցում են նախկինում քննարկվածը։ Այս մասին հաղորդում է Reuters-ը՝ հղում անելով Ուկրաինայի դիվանագիտական շրջանակներում իր աղբյուրին, փոխանցում է Meduza-ն։
Axios-ի թղթակից Բարաք Ռավիդի խոսքով՝ ռուսական կողմը պահանջել է Ուկրաինայի մի քանի շրջաններից դուրս բերել ուկրաինական բանակը՝ հրադադարի դիմաց։ Նա նաև հղում է անում ուկրաինական դիվանագիտական աղբյուրին։
Ուկրաինական մի աղբյուր էլ Sky News-ի հետ զրույցում հավելել է, որ Մոսկվայի պահանջները ներառում են նաև այլ «անիրագործելի» կետեր։
Ուկրաինայի Գերագույն ռադայի պատգամավոր Ալեքսեյ Գոնչարենկոն պնդում է, որ Ռուսաստանը պահանջել է ուկրաինական զորքերի դուրսբերում «բոլոր այն շրջաններից, որոնք ավելացրել է իր Սահմանադրությանը» (Լուգանսկից, Դոնեցկից, Խերսոնից և Զապորոժիեից):
«Թարգմանիչ չի եղել։ Նրանք խոսել են ռուսերեն։ Ռուսաստանը պահանջել է ուկրաինական զորքերի դուրսբերում բոլոր այն շրջաններից, որոնք իրենք ավելացրել էին իրենց Սահմանադրությանը։ Նրանք հրաժարվել են 30-օրյա զինադադարից»,- նշել է պատգամավորը։
Հիշեցնենք, որ ավելի վաղ Ստամբուլում ավարտվել էին ռուս-ուկրաինական բանակցությունները։
Թարգմանությունը՝ Էմմա Չոբանյանի
