06.11.2026 | 23:24
Նոյեմբերի 7-ին ՊԵԿ էլեկտրոնային համակարգերը երկու ժամով անհասանելի կլինեն
Ստամբուլում ՌԴ-Ուկրանիա բանակցություններն ավարտվել են․ դրանք տևել են շուրջ 2 ժամ
Քաղաքականություն
16.05.2025 | 16:47
Ստամբուլում ավարտվել են ռուս-ուկրաինական բանակցությունները։ Այս մասին հայտնում են ՏԱՍՍ-ն ու ՌԻԱ Նովոստիին՝ վկայակոչելով Թուրքիայի ԱԳՆ-ի աղբյուրներին։
CNN-ը նույնպես, Թուրքիայի ԱԳՆ-ին հղում անելով, հայտնում է, որ հանդիպումն ավարտվել է։ Նշվում է, որ բանակցությունները տևել են երկու ժամից մի փոքր պակաս։
Ի դեպ, ուկրաինական լրատվամիջոցներն ավելի վաղ հայտնել էին, որ Ստամբուլում ընթացող բանակցություններին ուկրաինական պատվիրակությունը ռուսական կողմի հետ շփվում է թարգմանչի միջոցով։
Ռուսական լրատվամիջոցներն էլ հայտնել էին, որ Թուրքիայի արտաքին գործերի նախարար Հաքան Ֆիդանը ուկրաինական և ռուսական պատվիրակությունների միջև բանակցությունների մեկնարկից հետո մնացել է դահլիճում։
Բանակցությունների մանրամասները դեռևս անհայտ են։
Ավելի վաղ Reuters-ը, հղում անելով ուկրաինական դիվանագիտական աղբյուրին, գրել է, որ Ռուսաստանն առաջ է քաշում անիրատեսական պահանջներ, որոնք շատ հեռու են նախկինում քննարկված ամեն ինչից։
Թարգմանությունը՝ Էմմա Չոբանյանի
