09.10.2026 | 10:39
Թրամփը հայտարարել է, որ ԱՄՆ-ը մինչև նոյեմբերին կայանալիք միջանկյալ ընտրությունները չի հարձակվի Իրանի վրա
Զելենսկին կոչ է արել աշխարհին պատժամիջոցներով պատասխանել, եթե ՌԴ-ի խաղաղության ջանքերը «թատերական» լինեն
Քաղաքականություն
16.05.2025 | 22:24
Ուկրաինայի նախագահ Վլադիմիր Զելենսկին ելույթ է ունեցել Ալբանիայում կայացած Եվրոպական քաղաքական համայնքի գագաթնաժողովում՝ նշելով, որ աշխարհը «պետք է արձագանքի» Ռուսաստանին, եթե նրա խաղաղության ջանքերը «թատերական» լինեն, գրում է Sky News-ը։
«Աշխարհը պետք է արձագանքի, անհրաժեշտ է ուժեղ արձագանք, այդ թվում՝ պատժամիջոցներ Ռուսաստանի էներգետիկ ոլորտի և բանկերի նկատմամբ։ Ճնշումը պետք է շարունակի մեծանալ՝ մինչև իրական առաջընթաց գրանցվի։ Մեզ անհրաժեշտ է սպանությունների լիակատար դադարեցում, որպեսզի դիվանագիտությանն իրական հնարավորություն տրվի։ Մեր թիվ մեկ առաջնահերթությունը լիարժեք, անվերապահ և ազնիվ հրադադարն է»,- հայտարարել է նա։
Զելենսկին նշել է, որ հրադադարը պետք է անհապաղ տեղի ունենա՝ սպանությունները դադարեցնելու և դիվանագիտության համար ամուր հիմք ստեղծելու համար։
«Եվ եթե այսօր Ստամբուլում գտնվող Ռուսաստանի ներկայացուցիչները չկարողանան նույնիսկ համաձայնվել հրադադարին, ապա 100%-ով պարզ կլինի, որ Պուտինը շարունակում է խաթարել դիվանագիտությունը»,- հայտարարել է Ուկրաինայի նախագահը։
Հավելենք, որ Ստամբուլում ավարտվել են ռուս-ուկրաինական բանակցությունները։
Թարգմանությունը՝ Էմմա Չոբանյանի
