08.09.2026 | 10:31
Պապոյանը Դուբայում քննարկել է հայկական կառուցապատման ոլորտը միջազգային հարթակներում ներկայացնելու հնարավորությունները
Անկարայում մեկնարկել է Էրդողանի և Զելենսկիի հանդիպումը
Քաղաքականություն
15.05.2025 | 15:09
Անկարայում նախագահական պալատում մեկնարկել է Թուրքիայի նախագահ Ռեջեփ Թայիփ Էրդողանի և Ուկրաինայի նախագահ Վլադիմիր Զելենսկիի հանդիպումը։ Այս մասին հայտնում են թուրքական լրատվամիջոցները։
Նշվում է, որ մամուլի համար փակ հանդիպմանը մասնակցում են նաև Թուրքիայի Ազգային պաշտպանության նախարար Յաշար Գյուլերը, հետախուզական կազմակերպության տնօրեն Իբրահիմ Քալընը և նախագահի արտաքին քաղաքականության և անվտանգության գլխավոր խորհրդական Ակիֆ Չաղաթայ Քըլըչը։
Էրդողանի և Զելենսկիի երկկողմ հանդիպումից հետո տեղի կունենա պատվիրակությունների աշխատանքային ընթրիք։
Թուրքիայի նախագահի գրասենյակը հայտնել էր, որ Էրդողանը Զելենսկիի հետ բանակցությունների ժամանակ կընդգծի Անկարայի դիրքորոշումը Ռուսաստանի հետ պատերազմը դադարեցնելու համար անհապաղ հրադադարի և խաղաղության բանակցությունների անհրաժեշտության վերաբերյալ։
Հիշեցնենք, որ Զելենսկին ավելի վաղ ժամանել էր Անկարա՝ հայտարարելով, որ Էրդողանի հետ զրույցից հետո պարզ կլինեն Ուկրաինայի հաջորդ քայլերը ՌԴ-ի բանակցություններում։ Ուկրաինացի պաշտոնյան էլ AFP-ին ասել էր, որ Զելենսկին ծրագրում է հինգշաբթի հանդիպել Թուրքիայի նախագահ Ռեջեփ Թայիփ Էրդողանի հետ Անկարայում, այլ ոչ թե Ստամբուլում, և միայն դրանից հետո կորոշի ՌԴ-ի բանակցությունների հետ կապված իր մոտեցումը։
Հավելենք, որ Ռուսաստանի և Ուկրաինայի միջև այսօր ուղիղ բանակցություններ են սպասվում Ստաբուլում։
Թարգմանությունը՝ Էմմա Չոբանյանի
