29.04.2026 | 22:45
ՀՀ տարածքում ավտոճանապարհները հիմնականում անցանելի են
Թրամփի, Սիրիայի նախագահի և Սաուդյան Արաբիայի թագաժառանգի հանդիպմանն առցանց մասնակցել է նաև Թուրքիայի նախագահը
Քաղաքականություն
14.05.2025 | 13:08
Թուրքիայի նախագահ Ռեջեփ Թայիփ Էրդողանն առցանց մասնակցել է Ռիադում ԱՄՆ նախագահ Դոնալդ Թրամփի, Սիրիայի նախագահ Ահմեդ ալ-Շարաայի և Սաուդյան Արաբիայի թագաժառանգ Մուհամմեդ բին Սալմանի հանդիպմանը, հայտնում են թուրքական լրատվամիջոցները:
Բանակցությունների ընթացքում Էրդողանը Թրամփի՝ Սիրիայի դեմ պատժամիջոցները վերացնելու որոշումը որակել է որպես «պատմականորեն նշանակալի»։ Էրդողանը հայտարարել է, որ Թուրքիան շարունակելու է աջակցել Դամասկոսի վարչակազմին ահաբեկչական կազմակերպությունների, մասնավորապես, ԻԼԻՊ-ի դեմ պայքարում։ Նա նաև նշել է, որ կարծում է՝ Սիրիայի նկատմամբ պատժամիջոցները վերացնելու՝ ԱՄՆ որոշումն օրինակ կծառայի այլ երկրների համար, որոնք պատժամիջոցներ են սահմանել Դամասկոսի նկատմամբ։
Հիշեցնենք՝ ԱՄՆ նախագահ Դոնալդ Թրամփը Սաուդյան Արաբիա այցի ընթացքում հայտարարել էր, որ նախատեսում է չեղարկել Սիրիայի նկատմամբ սահմանված պատժամիջոցները։ Նա նշել էր, որ որոշումը կայացրել է Սաուդյան Արաբիայի թագաժառանգ Մուհամմեդ բին Սալմանի, ինչպես նաև Թուրքիայի նախագահ Ռեջեփ Թայիփ Էրդողանի հետ քննարկելուց հետո։
Լրատվամիջոցներն էլ, Սպիտակ տան աղբյուրներին վկայակոչելով, հայտնել էին, որ այսօր Թրամփը Ռիադում հանդիպելու է Սիրիայի նախագահ Ահմեդ ալ-Շարաայի հետ։
Թարգմանությունը՝ Էմմա Չոբանյանի
