17.07.2026 | 10:03
Արտարժույթների փոխարժեքները՝ հուլիսի 17-ի դրությամբ
Բաքվից հայտնել են Ալիևի՝ Մոսկվա այցի չեղարկման պատճառները
Քաղաքականություն
08.05.2025 | 14:54
Ադրբեջանի նախագահ Իլհամ Ալիևի՝ Մայիսի 9-ի Մոսկվա այցը չեղարկվել է։ Ադրբեջանական իշխանամերձ APA-ն գրում է, որ հաջողվել է պարզել, թե ինչ գործոններ են ազդել Ադրբեջանի ղեկավարի որոշման վրա։
Նշվում է, որ չնայած այն հանգամանքին, որ ադրբեջանական AZAL-ի ուղևորատար ինքնաթիռի կործանումից անցել է հինգ ամիս, ռուսական կողմը դեռևս չի իրականացրել որևէ օպերատիվ-հետախուզական միջոցառում, ինչպես նաև չի բացահայտել կամ պատասխանատվության ենթարկել այդ միջադեպի պատասխանատուներին։
Միաժամանակ, հաստատվել է, որ որոշ ժամանակ առաջ մի շարք ադրբեջանական լրատվամիջոցների վրա իրականացված կիբերհարձակումները Ռուսաստանի տարածքից են եղել։
Մի քանի օր առաջ Ադրբեջանի խորհրդարանի անդամ Ազեր Բադամովին էլ արգելվել էր մուտք գործել Ռուսաստան՝ նա ձերբակալվել էր Մոսկվայի օդանավակայանում և արտաքսվել։ Ռուսական կողմը որևէ բացատրություն չի տվել այս միջադեպի վերաբերյալ։
Հաղորդվում է, որ այս բոլոր գործոններն ազդել են Ադրբեջանի նախագահի՝ Մոսկվա այցը չեղարկելու որոշման վրա։
Հիշեցնենք, որ նախօրեին ՌԴ նախագահի օգնական Յուրի Ուշակովն էր հայտել, որ Ալիևը չի մեկնի Մոսկվա։
«Ցավոք, մենք հաղորդագրություն ստացանք, որ Ալիևը չի ժամանի։ Նրանք բացատրեցին, որ նա պետք է մասնակցի Հեյդար Ալիևին նվիրված միջոցառումներին երկրում»,- ասել էր նա։
Թարգմանությունը՝Էմմա Չոբանյանի
