07.09.2026 | 17:24
Ուիթքոֆի և Քուշների մասնակցությամբ բանակցությունները՝ «քայլ դեպի խաղաղություն»․ Կրեմլ
Կրեմլը հայտնել է, որ Ալիևը չի մեկնի Մոսկվա` մայիսի 9-ի միջոցառումներին մասնակցելու
Քաղաքականություն
07.05.2025 | 20:05
Ադրբեջանի նախագահ Իլհամ Ալիևը չի մեկնի Մոսկվա՝ մասնակցելու Հաղթանակի 80-ամյակին նվիրված միջոցառումներին։ Այս մասին հայտնել է Ռուսաստանի նախագահի օգնական Յուրի Ուշակովը, գրում է ՌԲԿ-ն։
«Ցավոք, մենք հաղորդագրություն ստացանք, որ Ալիևը չի ժամանի։ Նրանք բացատրեցին, որ նա պետք է մասնակցի Հեյդար Ալիևին նվիրված միջոցառումներին երկրում»,- ասել է նա։
Նշվում է, որ Լաոսի առաջնորդ Թհոնգլուն Սիսուլիթի այցը Մոսկվա նույնպես չեղարկվել է։ Նա բաց կթողնի միջոցառումները կորոնավիրուսի պատճառով։
Իլհամ Ալիևի վերջին այցը Ռուսաստան տեղի է ունեցել 2024 թվականի աշնանը, երբ նա հոկտեմբերի 8-ին ժամանել էր Մոսկվա՝ Վլադիմիր Պուտինի հետ բանակցություններ վարելու համար։ Իր հերթին, Վլադիմիր Պուտինի վերջին այցը Ադրբեջան տեղի է ունեցել 2024 թվականի օգոստոսի 18-19-ին։
Ավելի վաղ ռուսական կողմը հայտարարել էր, որ Ալիևը մասնակցելու է մայիսի 9-ի միջոցառումներին։
Այցի չեղարկումը տեղի է ունենում Մոսկվայի ու Բաքվի հարաբերություններում նոր լարվածության ֆոնին։
Ավելի վաղ Մոսկվայի օդանավակայանում ձերբակալվել էր Ադրբեջանի Միլլի Մեջլիսի պատգամավոր Ազեր Բադամովը, նրան թույլ չէին տվել Աստրախան մեկնող ինքնաթիռ նստել։ Ռուսական աղբյուրները հայտնել էին, որ պատգամավորին թույլ չեն տվել մուտք գործել Ռուսաստան՝ բազմիցս նրա կողմից արված հակառուսական և ռուսատյաց հայտարարությունների պատճառով։
Ի դեպ, մայիսի 3-ին Ադրբեջանի նախագահ Իլհամ Ալիևն ու նրա կինը՝ երկրի առաջին փոխնախագահ Մեհրիբան Ալիևան, Բաքվում ընդունել էին Մոսկվայի և Համայն Ռուսիո պատրիարք Կիրիլին։ Վերջինը Մեհրիբան Ալիևային պարգևատրել էր Ռուս ուղղափառ եկեղեցու սուրբ իշխանուհի Օլգայի 1-ին աստիճանի շքանշանով։ Բացի այդ, պատրիարք Կիրիլը փոխանցել էր ՌԴ նախագահ Վլադիմիր Պուտինի հրավերը՝ մասնակցելու Մոսկվայում մայիսի 9-ին կայանալիք Երկրորդ համաշխարհային պատերազմում հաղթանակի 80-ամյակին նվիրված միջոցառումներին։
Թարգմանությունը՝ Էմմա Չոբանյանի
