04.06.2026 | 11:40
Էդուարդ Սպերցյանը փոխել է խաղային համարը Հայաստանի հավաքականում․ ԼՈՒՍԱՆԿԱՐ
1500 տոննա ծիրանը փչացել է. կարկուտի հետևանքները` Աբովյան գյուղում. ՏԵՍԱՆՅՈՒԹ
Տնտեսություն
06.05.2025 | 21:58
Երեկ՝ մայիսի 5-ին տեղացած կարկուտը վնասներ է հասցրել Արարատի մարզի Աբովյան գյուղի այգիներին։ Կարկուտի առաջացրած հետևանքների մասին Factor TV-ի հետ զրույցում պատմում են այգետերերը։ Բնակիչներից մեկի խոսքով՝ շուրջ 1500 տոննա ծիրան է փչացել։
Աբովյան գյուղի բնակիչ Հենդո Կարապետյանն ասում է՝ երկու հեկտար այգուց 50-60 տոննա բերքի սպասելիք է ունեցել, սակայն երեկվա տեղացած կարկուտն ամբողջ բերքը փչացրել է։
«Ծառի վրա մնացած ծիրանը իրացման ենթակա չէ, ծառի վրա մնալու և նեխելու է»,- ասում է այգետերը։
Բնակիչները դժգոհում են տարածքի կարկտակայանների աշխատանքից։ Խաչիկ Մկրտչյանի խոսքով՝ գյուղի սկզբնամասում գտնվող միակ կարկտակայանը երեք անգամ է կրակել, այն էլ՝ կարկուտից առաջ, ընթացքում այն չի աշխատել։
«Գյուղացիներին խաբում են վերադաս մարմինները, ասում են՝ կարկուտը լցվել ա կարկտակայանի մեջ, չի աշխատել։ Եթե գիտեք տենց կայան է, ուրիշը դրեք, որ աշխատի»,- նշում է գյուղատնտեսը։
Մանրամասները՝ տեսանյութում։
Անի Թամրազյան
