13.01.2026 | 14:49
Սա ինձ համար անձնական ողբերգություն է. Պապիկյանը՝ 15 զինվորի կյանք խլած Ազատի կացարանի հրդեհի մասին. ՏԵՍԱՆՅՈՒԹ
Արտուշ Գաբրիելյանին կալանավորելու միջնորդություն կներկայացվի․ ԲԴԽ-ն բավարարեց դատախազի միջնորդությունը
Հասարակություն
30.04.2025 | 18:58
Բարձրագույն դատական խորհուրդը բավարարել է դատավոր Արտուշ Գաբրիելյանին ազատությունից զրկելու թույլտվության հարցով Գլխավոր դատախազ Աննա Վարդապետյանի միջնորդությունը։ Այս մասին Factor TV-ին հայտնեց Գաբրիելյանի փաստաբան Էրիկ Ալեքսանյանը։
Ենթադրվում է, որ շուտով դատավորին մեղադրանք կներկայացվի և նրա նկատմամբ կալանավորումը որպես խափանման միջոց կիրառելու միջնորդություն կներկայացվի Հակակոռուպցիոն դատարան։
Հիշեցնենք, որ դատավոր Արտուշ Գաբրիելյանի գործը վերաբերում է կաշառք ստանալուն։ Ըստ գործի՝ դատավորը համաձայնել է կաշառքի դիմաց ձգձգել իր վարությում քննվող գործը, որպեսզի դրա վաղեմության ժամկետն անցնի։ Դատավորի պաշտպաններից Ալեքսանդր Կոչուբաևը, սակայն, ԲԴԽ-ի դիմաց լրագրողների հետ զրուցյում հայտնել է, որ դատավորի նկատմամբ քրեական հետապնդում հարուցելու միջնորդության քննության ժամանակ չեն ներկայացվել այնպիսի փաստական հանգամանքներ, որոնք վկայում են դատավորի կողմից ենթադրյալ արարք կատարելու մասին։
Գործի շրջանակներում երկու անձ արդեն իսկ կալանավորվել է։ Նրանցից մեկը մեղադրվում է կաշառք տալու, իսկ մյուսը՝ կաշառքի օժանդակության մեջ։
Արաքս Մամուլյան
