08.09.2026 | 22:18
Ֆրանսիան, Մեծ Բրիտանիան և ևս 10 երկիր արգելել են Արևմտյան ափի իսրայելական բնակավայրերից ապրանքների ներմուծումը
ՀՀ խորհրդարանում տեղի ունեցածը նշան է, որ ԵՄ-ի գրավչությունը բարձր է․ եվրահանձնակատարը՝ ԵՄ-ին Հայաստանի անդամակցության մասին
Քաղաքականություն
29.04.2025 | 15:34
Հայաստանի խորհրդարանում տեղի ունեցածը հստակ նշան է, որ ԵՄ-ի գրավչությունն ավելի բարձր է, քան նախկինում։ Այս մասին Radio Free Europe/Radio Liberty-ին տված հարցազրույցում հայտարարել է ԵՄ ընդլայնման հարցերով հանձնակատար Մարտա Կոսը՝ անդրադառնալով ԵՄ-ն մերձենալու Հայաստանին քայլերին, այդ թվում՝ անդամակցության։
«Կա երկու պայման, որի դեպքում երկիրը կարող է դիմել ԵՄ անդամակցության համար՝ այն պետք է լինի պետություն, պետք է լինի եվրոպական պետություն։ Մենք դիմում չենք ստացել, բայց հետագայում կտեսնենք։ Բայց սա նշաններից է, որ մենք հետաքրքիր ենք շատ այլ երկրների համար, օրինակ՝ Իսլանդիան, որը ցանկանում է վերադառնալ անդամակցության բանակցություններին»,- ասել է Կոսը։
Հիշեցնենք, որ Հայաստանի Ազգային ժողովը մարտի 26-ին երկրորդ ընթերցմամբ և ամբողջությամբ ընդունել է «Եվրոպական միությանը Հայաստանի Հանրապետության անդամակցելու գործընթացի մեկնարկի մասին» օրենքի նախագիծը։ Ապրիլի 4-ին նախագահ Վահագն Խաչատուրյանը ստորագրել է օրենքը։
Թարգմանությունը՝ Էմմա Չոբանյանի
