24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Կարևորում եմ ՀՀ-ի և Վրաստանի՝ միմյանց տարածքային ամբողջականության ճանաչման մասին հայտարարությունը․ Խաչատուրյան․ ՏԵՍԱՆՅՈՒԹ
Քաղաքականություն
29.04.2025 | 12:25
«Կարևորում եմ ՀՀ-ի և Վրաստանի՝ միմյանց տարածքային ամբողջականության ճանաչման վերաբերյալ հայտարարությունը»,- այս մասին Վրաստանի նախագահի հետ համատեղ հայտարարության ժամանակ ասաց ՀՀ նախագահ Վահագն Խաչատուրյանը։
Նախագահն անդրադարձավ նաև Հայաստան- Ադրբեջան հարաբերություններին՝ ընդգծելով, որ Հայաստանի և Ադրբեջանի միջև խաղաղության ու միջպետական հարաբերությունների հաստատման մասին համաձայնագրի տեքստը վերջնական համաձայնեցվել է և պատրաստ է ստորագրման:
Խաչատուրյանն ասաց, թե ակնկալում է համապարփակ խաղաղության հաստատում Ադրբեջանի հետ:
«Հայաստանը բարձր է գնահատում Հարավային Կովկասում կայունության և անվտանգության ամրապնդմանը, ինպես նաև՝ Հայաստանի և Ադրբեջանի միջև խաղաղության գործընթացին աջակցելուն ուղղված՝ Վրաստանի ջանքերը:
Ողջունում ենք համագործակցության երկկողմ և եռակողմ հարթակներ ստեղծելու՝ Հայաստանի նախաձեռնությունները և արժևորում Վրաստանի դերը՝ համագործակցության եզրեր գտնելու ընդհանուր տնտեսական նախագծեր իրականացնելու հարցում»,- շեշտեց Խաչատուրյանը:
Նրա խոսքով՝ Հայաստանն ու Վրաստանը կշարունակեն խորացնել և ամրապնդել գործընկերային հարաբերությունները՝ ի շահ բարեկամ ժողովուրդների և ամբողջ տարածաշրջանի։
Նշենք, որ Վրաստանի նախագահ Միխեիլ Ղավելաշվիլին պաշտոնական այցով է գտնվում Հայաստանում։
Մանրամասները՝ տեսանյութում։
