16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Իրանի նախագահն Ադրբեջան է մեկնել․ ՏԵՍԱՆՅՈՒԹ
Քաղաքականություն
28.04.2025 | 12:29
Իրանի նախագահ Մասուդ Փեզեշքիանը մեկնել է Բաքու՝ բանակցություններ և հանդիպումներ անցկացնելու Ադրբեջանի պաշտոնյաների հետ, փոխանցում է Mehr գործակալությունը։
«Ադրբեջանում կան համապատասխան հիմքեր երկու երկրների միջև հարաբերությունները ամրապնդելու համար։ Մեր հարաբերություններն Ադրբեջանի հետ պատմական, մշակութային և խորը հարաբերություններ են»,- մեկնելուց առաջ ասել է Փեզեշքիանը։
Նա նշել է, որ շեշտը դրվում է երկու երկրների միջև առևտրային, գիտական և տնտեսական հարցերի խթանման վրա, «կքննարկվի նաև Իրանի և Ադրբեջանի միջև երթևեկությունը հեշտացնող միջանցքների զարգացումը»։
Իրանի նախագահը նաև հայտնել է, որ այցի շրջանակում հանդիպելու է գործարարների, գիտնականների և Ադրբեջանում բնակվող իրանցիների հետ։
Հիշեցնենք, որ Փեզեշքիանն այցից առաջ հարցազրույց էր տվել ադրբեջանական պետական AzTV հեռուստաալիքին՝ հույս հայտնելով, որ Ադրբեջանի և Հայաստանի միջև խնդիրները կլուծվեն միջազգային իրավունքի հիման վրա։
Թարգմանությունը՝ Էմմա Չոբանյանի
