08.09.2026 | 21:22
ՊՆ ՌՈ պետ Արամ Հովհաննիսյանն անցկացրել է ստուգատես
Բաքուն դատապարտել է ՀՀ-ում և Ֆրանսիայում Ադրբեջանի դրոշի այրումը և պատասխանատվություն պահանջում
Քաղաքականություն
25.04.2025 | 17:40
Բաքուն խստորեն դատապարտում է ադրբեջանական դրոշի այրումը ապրիլի 23-ին Հայաստանի մայրաքաղաք Երևանում «Ջահերով երթի» ժամանակ, ինչպես նաև ապրիլի 24-ին Ֆրանսիայի մայրաքաղաք Փարիզում հայ համայնքի հավաքի ժամանակ։ Այս մասին ասվում է Ադրբեջանի ԱԳՆ-ի տարածած հայտարարության մեջ։
Նշվում է, թե «Հայաստանի և Ֆրանսիայի կառավարությունները պետք է ժամանակին կանխեին նման արշավները, որոնք էթնիկ ատելության մարմնացում են, և համապատասխան անվտանգության միջոցառումներ ձեռնարկեին»։
«Հայաստանի և Ֆրանսիայի կառավարությունները պետք է պատասխանատվության ենթարկեն այս գործողությունների համար պատասխանատուներին։ Նման գործողությունները, որոնք ռևանշիստական և էթնիկ ատելության վրա հիմնված մտածելակերպի հստակ դրսևորում են, որը դեռևս ուժեղ տարածում ունի Հայաստանում և դրանից դուրս, պետք է դատապարտվեն և կանխվեն միջազգային մակարդակով»,- ասվում է հայտարարության մեջ։
Այսօր Ադրբեջանի դրոշն այրելու կապակցությամբ իր դժգոհություններն էր հայտնել նաև Ադրբեջանի ԱԳ նախարար Ջեյհուն Բայրամովը։
Ավելի վաղ ՀՀ վարչապետի մամուլի քարտուղար Նազելի Բաղդասարյանը, պատասխանելով «Արմենպրես»-ի հարցին, փոխանցել էր Նիկոլ Փաշինյանի վերաբերմունքն ապրիլի 23-ին ջահերով երթի ժամանակ Թուրքիայի և Ադրբեջանի դրոշների այրման առնչությամբ։ Փաշինյանը դատապարտել է այդ գործելակերպը՝ այն գնահատելով «անպատասխանատու և անընդունելի»:
Թարգմանությունը՝ Էմմա Չոբանյանի
