09.05.2025 | 23:12
Համարում եմ, որ մարիխուանան Հայաստանում պետք է օրինականացնել. Ալեն Սիմոնյան
ԵՄ-ն ակտիվորեն աջակցում է Ադրբեջանի և Հայաստանի միջև խաղաղության համաձայնագրի ստորագրմանը հասնելուն․ Կայա Կալլաս
Քաղաքականություն
25.04.2025 | 15:16
Մենք ակտիվորեն աջակցում ենք Ադրբեջանի և Հայաստանի միջև հարաբերությունների ամրապնդմանը, ինչպես նաև կայունության ապահովմանն ու խաղաղության համաձայնագրի ստորագրմանը հասնելուն։ Ադրբեջանական լրատվամիջոցների հաղորդմամբ՝ այս մասին Բաքվում Ադրբեջանի ԱԳ նախարար Ջեյհուն Բայրամովի հետ հանդիպումից հետո համատեղ մամուլի ասուլիսում հայտարարել է ԵՄ արտաքին գործերի և անվտանգության քաղաքականության հարցերով բարձր ներկայացուցիչ, Եվրահանձնաժողովի փոխնախագահ Կայա Կալլասը։
«Լավ քննարկում ունեցանք Ադրբեջանի և Հայաստանի միջև հարաբերությունների կարգավորման հարցի շուրջ։ Մենք ակտիվորեն աջակցում ենք երկու երկրների միջև կապերի, կայունության ապահովմանը և խաղաղության համաձայնագրի իրականացմանը։ Ես գոհունակությամբ ողջունում եմ խաղաղության համաձայնագրի տեքստի շուրջ համաձայնությունը։ Հուսով եմ, որ հաջորդ քայլերը կլինեն ավելի արդյունավետ»,- նշել է Կալլասը։
Նա նաև հայտարարել է, որ Ադրբեջանը տարածաշրջանում կարևոր գործընկեր է ԵՄ-ի համար և ակնկալում են հարաբերությունների ամրապնդում։ Ըստ Կալլասի՝ Եվրամիությունը և Ադրբեջանը համաձայնության են եկել՝ վերսկսել բանակցությունները նոր գործընկերության և համագործակցության համաձայնագրի շուրջ։
«Այս գործընկերությունը պետք է կառուցվի փոխադարձ հարգանքի վրա, ներառյալ՝ ԵՄ անդամ պետությունների նկատմամբ հարգանքը, ինչպես նաև հիմնարար սկզբունքների վրա, ինչպիսիք են օրենքի գերակայությունը և մարդու իրավունքները», – ասել է ԵՄ դիվանագիտության ղեկավարը։
Թարգմանությունը՝ Էմմա Չոբանյանի
