18.02.2026 | 23:28
Ստեփանծմինդա-Լարս ավտոճանապարհը փակ է
Ուկրաինան, հնարավոր է, ստիպված լինի տարածքներ զիջել հանուն խաղաղության․ Վիտալի Կլիչկո
Քաղաքականություն
25.04.2025 | 16:15
Կիևի քաղաքապետ Վիտալի Կլիչկոն BBC-ին տված հարցազրույցում ասել է, որ Ուկրաինան, հնարավոր է, ստիպված լինի տարածքային զիջումներ անել խաղաղության հասնելու համար։ Նա այս միջոցն անվանել է հարկադիր և ժամանակավոր։
«Սցենարներից մեկը տարածքների զիջումն է։ Դա արդար չէ, բայց խաղաղության համար, նույնիսկ եթե ժամանակավոր, գուցե, լուծում լինի։ Ժամանակավոր լուծում»,- ասել է Կլիչկոն։
Նա, սակայն, չի մանրամասնել, թե որ տարածքների մասին է խոսքը։ Կիևի քաղաքապետը նաև հատուկ ընդգծել է, որ ուկրաինացի ժողովուրդը երբեք չի ճանաչի «ռուսական օկուպացիան»։
Կլիչկոն, որը համարվում է Ուկրաինայի նախագահ Վլադիմիր Զելենսկիի քաղաքական հակառակորդը, հարցազրույց է տվել BBC-ին Կիևի վրա ռուսական հրթիռային և անօդաչու թռչող սարքերի հարվածից մի քանի ժամ անց, որի հետևանքով զոհվել էր 12 մարդ, վիրավորվել՝ ավելի քան 80-ը։
Հավելենք, որ ըստ լրատվամիջոցների տեղեկությունների՝ ԱՄՆ նախագահ Դոնալդ Թրամփի՝ Ուկրաինայի խաղաղության ծրագիրը ենթադրում է ուկրաինական բռնակցված տարածքների ռուսական վերահսկողության ճանաչում։
Թարգմանությունը՝ Էմմա Չոբանյանի
