07.10.2026 | 23:48
Արթուր Դանիելյանը կալանավորվեց
ՀՀ-ն կազմակերպությունից դուրս չի եկել․ ՀԱՊԿ գլխավոր քարտուղար
Քաղաքականություն
24.04.2025 | 19:41
Հայաստանը դուրս չի եկել Հավաքական անվտանգության պայմանագրի կազմակերպությունից (ՀԱՊԿ)։ Այս մասին լրագրողներին հայտարարել է ՀԱՊԿ գլխավոր քարտուղար Իմանգալի Տասմագամբետովը՝ «ՀԱՊԿ անդամ պետությունների ժողովուրդների ներդրումը Հայրենական մեծ պատերազմում տարած հաղթանակում» միջազգային գիտագործնական համաժողովի շրջանակում, գրում է ՏԱՍՍ-ը։
«Հայաստանը դուրս չի եկել, այլ դադարեցրել է մասնակցությունը Հավաքական անվտանգության պայմանագրի կազմակերպության աշխատանքներին։ Ասել, որ նրանք հեռացել են կամ հեռանում են, հարցի նման ձևակերպում չկա։ Ամեն դեպքում, ՀԱՊԿ աշխատանքներին Հայաստանի հետագա մասնակցությունն այդ երկրի՝ անկախ, ինքնիշխան պետության քաղաքական ղեկավարության որոշումն է։ Մենք հարգանքով են վերաբերվում այդ որոշումներին»,- ասել է նա։
Հիշեցնենք, որ 2024 թվականի փետրվարին վարչապետ Նիկոլ Փաշինյանը հայտարարել էր, որ Հայաստանը սառեցնում է իր անդամակցությունը ՀԱՊԿ-ին, քանի որ կառույցը չի կատարում Երևանի հանդեպ իր պարտավորությունները։
Թարգմանությունը՝ Էմմա Չոբանյանի
