07.03.2026 | 22:11
Նոր նշանակումներ՝ մարմնամարզության Հայաստանի հավաքականներում
Նիկոլ Փաշինյանը պաշտոնական այցով Էստոնիա կմեկնի
Քաղաքականություն
24.04.2025 | 17:20
ՀՀ վարչապետ Նիկոլ Փաշինյանն ապրիլի 27-28-ը պաշտոնական այց կկատարի Էստոնիա։ Էստոնական կողմի հաղորդմամբ՝ այցի ընթացքում Փաշինյանը հանդիպումներ կունենա այդ երկրի վարչապետ Քրիստեն Միխալի, նախագահ Ալար Կարիսի, խորհրդարանի՝ Ռիիգիկոգուի խոսնակ Լաուրի Հուսարի և արտաքին գործերի նախարար Մարգուս Ցահքնայի հետ։
Բացի այդ, նա հանդիպում կանցկացնի տեղի հայ համայնքի ներկայացուցիչների հետ։
Հաղորդվում է նաև, որ Հայաստանի վարչապետը ծաղիկներ կդնի կոմունիզմի զոհերի հուշարձանին և կծանոթանա Էստոնիայի էլեկտրոնային կառավարման նվաճումներին։
Երկու երկրների վարչապետների մամուլի ասուլիսը տեղի կունենա ապրիլի 28-ին։ Երկկողմ հանդիպմանը, որը կնախորդի մամուլի ասուլիսին, կքննարկվեն անվտանգության, երկկողմ հարաբերությունների զարգացման հնարավորությունների, Եվրամիության և Հայաստանի միջև հարաբերությունների, ինչպես նաև միջազգային կազմակերպություններում համագործակցության հարցերը։
Թարգմանությունը՝ Էմմա Չոբանյանի
