18.12.2025 | 19:39
Կայացել է ՀՀ-ԱՄՆ աշխատանքային խմբի անդրանիկ հանդիպումը
ՌԴ-ում միշտ եղբայրական հայ ժողովրդի վիշտն ընկալել են որպես իրենցը․ Զախարովան՝ Հայոց ցեղասպանության մասին
Քաղաքականություն
24.04.2025 | 13:52
Ապրիլի 24-ը 110-րդ տարելիցն է 20-րդ դարի առաջին կեսի ողբերգական իրադարձություններից մեկի՝ Օսմանյան կայսրությունում Հայերի ցեղասպանության։ Այս մասին ամենաշաբաթյա ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Ռուսաստանում միշտ եղբայրական հայ ժողովրդի վիշտն ընկալել են որպես իրենցը։ Պատմական վկայությունների համաձայն՝ 1915 թվականին Կովկասյան բանակը, Նիկոլայ 2-րդի հրամանով բացելով ռուս-թուրքական սահմանը, փրկել է առնվազն 350,000 հայերի։ Մոսկվայի դիրքորոշումն այդ իրադարձությունների մասին լավ հայտնի է, այն հետևողական է։ Ռուսական դիվանագիտության՝ նրա ղեկավար Սերգեյ Սազոնովի նախաձեռնությամբ՝ միջազգային հանրության առաջադեմ անդամները կատարվածը որակեցին որպես մարդկության դեմ հանցագործություն»,- ասել է Զախարովան։
Նա նշել է, որ ժամանակակից Ռուսաստանն աշխարհի առաջին երկրներից է, որը ճանաչել է Հայոց ցեղասսպանությունը։ ՌԴ Պետդուման 1995 և 2005 թվականներին ընդունել է հայտարարություն՝ դատապարտելով Հայոց ցեղասպնությունը։ 2015 թվականին էլ Հայաստանում ՌԴ նախագահ Վլադիմիր Պուտինը մասնակցել է զոհերի հիշատակի արարողությանը։
Ըստ Զախարովայի՝ ՌԴ մի շարք քաղաքներում, այդ թվում՝ մայրաքաղաք Մոսկվայում, մի շարք հիշատակի միջոցառումներ են անցկացվում, որոնց մասնակցում են ոչ միայն հայ համայնքի ներկայացուցիչները։
Թարգմանությունը՝ Էմմա Չոբանյանի
