08.09.2026 | 21:50
Գագիկ Խաչատրյանի միլիարդները մի բանակի ունեցվածք է․ ՀՀ-ի դեմ մեծ հանցագործություն է տեղի ունեցել․ Գուրգեն Սիմոնյան. ՏԵՍԱՆՅՈՒԹ
Քարաթափում Երևան-Մեղրի ավտոճանապարհին
23.04.2025 | 20:28
Ապրիլի 23-ին՝ ժամը 18։23-ին, Վայոց ձորի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Երևան-Մեղրի ավտոճանապարհին՝ Եղեգնաձոր քաղաքի մոտակա լանջից, տեղի է ունեցել քարաթափում, որը խոչընդոտում է երթևկությունը․ քարը ճանապարհից հեռացնելու համար անհրաժեշտ է օգնություն: Այս մասին տեղեկացնում է ՆԳՆ Փրկարար ծառայությունը:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբը։
Պարզվել է, որ Երևան-Մեղրի ավտոճանապարհի 122-րդ կմ-ին քարը (մոտ 0,6 խմ) լանջից գլորվել և հայտնվել է ավտոճանապարհի երթևեկելի հատվածում՝ դարձնելով այն միակողմանի երթևեկելի։
Փրկարարները ՃՇՇ-ի աշխատակիցների հետ քարը հեռացրել են երթևեկելի հատվածից․ երկկողմանի երթևեկությունը վերականգնվել է։
