13.01.2026 | 14:19
Ամանորի տոների ընթացքում ռուսական Նովոկուզնեցկի ծննդատանն 9 նորածին է մահացել
Ուկրաինան պետք է որոշի իր ապագան. Մեծ Բրիտանիայի վարչապետ
Քաղաքականություն
23.04.2025 | 18:26
Մեծ Բրիտանիան հայտարարել է, որ «Ուկրաինան պետք է որոշի իր ապագան»: Այս հայտարարությունը հնչել է Միացյալ Նահանգների փոխնախագահ Ջեյ Դի Վենսի վերջնագրից հետո:
«Ի վերջո, Ուկրաինան պետք է որոշի իր ապագան: Մենք երբեք չենք լքի Ուկրաինան»,- հայտարարել է Մեծ Բրիտանիայի վարչապետ Քիր Սթարմերը:
Մեծ Բրիտանիայի վարչապետի խոսքերը մեջբերել է The Telegraph-ը:
Հիշեցնենք, որ Վենսը հայտարարել էր, որ Ռուսաստանն ու Ուկրաինան պետք է ընդունեն ԱՄՆ-ի խաղաղության առաջարկները, հակառակ դեպքում Վաշինգտոնը «դուրս կգա խաղաղ բանակցություններից»:
Մեծ Բրիտանիայի վարչապետի խոսնակն իր հերթին նշել է․ «Մենք աջակցում ենք ԱՄՆ-ի գլխավորած ջանքերին պատերազմի կայուն ավարտ ապահովելու ուղղությամբ։ Կարծում եմ, դա է այն, ինչ բոլորս ուզում ենք։ Ի վերջո, Ուկրաինան պետք է որոշի իր ապագան»:
Հարցին, թե արդյոք Մեծ Բրիտանիան և ԱՄՆ-ն դեռևս «նույն կարծիքին են» խաղաղության հասնելու հարցում, նա պատասխանել է. «Այո, ինչպես արդեն ասացի, մենք լիովին աջակցում ենք ԱՄՆ-ի գլխավորած խաղաղության հաստատման ջանքերին։ Մենք ամբողջապես նվիրված ենք Ուկրաինայում արդար և երկարատև խաղաղության ապահովմանը»:
Նա նաև հավելել է․ «Մենք երբեք չենք լքի Ուկրաինային։ Կանգնելու ենք Ուկրաինայի կողքին այնքան ժամանակ, որքան կպահանջվի»:
