20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
4,4 մլրդ դրամի արտոնություն` «Սպայկա» ընկերությանը
Տնտեսություն
23.04.2025 | 10:30
Կառավարությունը քննարկում է «Սպայկա» ընկերությանը 4 մլրդ 400 մլն մաքսային վճարից ազատելու հարցը, քանի որ ընկերությունը նախատեսվում է իրականացնել 34․7 մլրդ դրամի ներդրում սարքավորումների և հումքի ձեռքբերման համար։
Այս մասին տեղեկանում ենք կառավարության օրակարգում ընդգրկված նախագծից։ Ընկերության կողմից ներմուծվող հումքը նախատեսվում է օգտագործել կաթնամթերքի արտադրության, իսկ բեռնատար քարշակները՝ թողարկված արտադրանքը արտահանելու նպատակով։
Հիշեցնենք` 2020 թվականին ՊԵԿ-ը հայտարարել էր, որ Սերժ Սարգսյանի փեսա Միքայել Մինասյանը Շոտլանդիայում հաշվառված օֆշորային «Ուոլտեքս Էքսպրես Էլ Փի» կազմակերպության միջոցով և ապա իր մտերիմներից Ռոզա Ստեփանյանի միջոցով, վերջինիս օժանդակությամբ հանդիսացել է «Սպայկա» ՍՊ ընկերության 49 տոկոս բաժնեմասի փաստացի բաժնետերը։
Ավելի վաղ էլ վարչապետի մամուլի խոսնակն էր հայտարարել, որ Մինասյանը այդ ընկերությունում բաժնեմաս ունի։
Հիշեցնենք, որ 2019 թվականին էլ ՊԵԿ-ը հայտարարեց՝ «Սպայկա» ՍՊԸ-ում բացահայտված՝ առանձնապես խոշոր չափերի հարկեր չվճարելու դեպքի մասին։ Պետությանը պատճառված վնասը գնահատվում էր 17 միլիոն ԱՄՆ դոլար։
