ՌԴ Վլադիմիրի շրջանում պայթյուն է տեղի ունեցել․ զորամասի մոտ գտնվող բնակավայրերի բնակիչներին տարհանում են. ՏԵՍԱՆՅՈՒԹ

Լուրեր

19.11.2026 | 17:00
ԱՄՆ-ում ռուսաստանցի է ձերբակալվել լրտեսության մեղադրանքով․ նա հետևել է Ուկրաինային աջակցող ընկերության գործունեությանը
19.11.2026 | 16:51
Փաշինյանը դեկտեմբերի 3-ին կմեկնի Մոսկվա և կհանդիպի Պուտինի հետ․ ՏԵՍԱՆՅՈՒԹ
19.11.2026 | 16:46
Ամերիկյան AECOM-ը Մհեր Գրիգորյանին ներկայացրել է ԹՐԻՓՓ նախագծի տեխնիկատնտեսական ուսումնասիրության նախնական արդյունքները
19.11.2026 | 16:35
Բագրատ արքեպիսկոպոս Գալստանյանի տնային կալանքի ժամկետը 3 ամսով երկարաձգվեց
19.11.2026 | 16:24
Գրեթե բոլոր ռուսական բանկերը սանկցիաների տակ են, մեզ համար դա խնդիրներ է ստեղծում․ Մարտին Գալստյան․ ՏԵՍԱՆՅՈՒԹ
19.11.2026 | 16:13
Կրեմլը հայտնել է, որ Ուկրաինայի թեման ԱՄՆ-ի և Չինաստանի հետ եռակողմ հանդիպման առանցքային հարցը չի եղել
19.11.2026 | 16:05
Խվիչա Կվարացխելիան տարվա մարդ է ճանաչվել GQ France ամսագրի վարկածով
19.11.2026 | 15:55
Հայաստանի տնտեսությունը տուժել է, որպեսզի ընդդիմությունն ավելի շատ քվե ստանա՞․ Ռուբինյան․ ՏԵՍԱՆՅՈՒԹ
19.11.2026 | 15:51
Պուտինը, Թրամփն ու Սի Ցզինպինը համատեղ հռչակագիր են ընդունել․ ինչ կետեր են ներառված
19.11.2026 | 15:47
ՖԻՖԱ-ի նախագահի պաշտոնում առաջադրվել է երեք թեկնածու
19.11.2026 | 15:38
Թբիլիսիի բնակելի շենքերից մեկում պայթյուն է տեղի ունեցել․ փլատակների տակ 7 մարդ կա, այդ թվում՝ երեխաներ
19.11.2026 | 15:30
Վազգեն Սարգսյանի անվան ռազմական ակադեմիայի կուրսանտները մասնակցել են Չինաստանում անցկացված միջազգային ծրագրին
19.11.2026 | 15:21
Բաքուն արդարացրել է հայ գերիների շինծու դատավճիռները և Ֆրանսիային կոչ արել «զերծ մնալ Ադրբեջանի ներքին գործերին միջամտելուց»
19.11.2026 | 15:10
Փաշինյանը՝ իր հրաժարականի պայմանի մասին // Հայաստանը հրավիրվել է G20-ի գագաթնաժողովին․ ԼՈՒՐԵՐ
19.11.2026 | 15:04
Աթենքի Ակրոպոլիսի թանգարանում կբացվի «Հին Հայաստան» ցուցահանդեսը․ կներկայացվի ավելի քան 200 ցուցանմուշ
Բոլորը

ՌԴ Վլադիմիրի մարզի Կիրժաչի շրջանում պայթյուն է տեղի ունեցել, հայտնել է նահանգապետ Ալեքսանդր Ավդեևը։ Նա չի բացահայտել միջադեպի մանրամասները՝ նշելով, որ «պատասխանատու ծառայություններն աշխատում են դեպքի վայրում», գրում է Meduza-ն։

Անվտանգության ուժերին մոտ կանգնած Mash տելեգրամ ալիքը գրում է, որ պայթյունը տեղի է ունեցել Բարսովո գյուղում։ Baza-ն էլ, հղում անելով տեղի բնակիչներին, հայտնել է, որ մի քանի պայթյուններ են հնչել, դրանք տեղի են ունեցել զորամասի տարածքում։ Հավանական է, որ խոսքը 11785 զորամասի մասին է։

Ըստ «112» տելեգրամ ալիքի՝ Վլադիմիրի մարզում Ռուսաստանի Պաշտպանության նախարարության գլխավոր հրթիռային և հրետանային վարչության 51-րդ զինանոցի վրա «հզոր հարձակում» է տեղի ունեցել, Միրնի և Բարսովո գյուղերի բնակիչներին խնդրել են լքել իրենց տները և մեկնել Կիրժաչ։ Մոսկվայի կողմից Կիրժաչ տանող ճանապարհը փակվել է։ Բարսովոյից տարհանման մասին տեղեկատվությունը հաստատել է շրջանի միասնական դիսպետչերական ծառայությունը։

Baza-ի տվյալներով՝ տարհանում է հայտարարվել ոչ միայն Բարսովոյում և Միրնիում, այլև Զվյոզդնիում, Դուբկիում, Պերշինոյում, Խրապկիում և Գրիբանովոյում։ Այս բնակավայրերը գտնվում են պայթյունների վայրից հինգ կիլոմետր շառավղով հեռավորության վրա։

ԱԻՆ-ըհայտնում է, որ Կիրժաչի շրջանում պայթյունների պատճառով արտակարգ դրություն է հայտարարվել։

Բարսովո գյուղը գտնվում է Վլադիմիրի մարզի Կիրժաչ քաղաքից ութ կիլոմետր հեռավորության վրա։ Բաց աղբյուրներից ստացված տեղեկությունների համաձայն՝ գյուղում է գտնվում 11785 զորամասը (այլ աղբյուրների համաձայն՝ 55443-44 զորամասը):

Ըստ տեղական լրատվամիջոցների՝ զորամասը հայտնի է նաև որպես գլխավոր հրթիռային և հրետանային վարչության 51-րդ զինանոց, դրա հիմնական գործառույթը զինամթերքի պահեստավորումն ու հավաքումն է։

2022 թվականի հունիսին զորամասում արկի պայթյունի հետևանքով զոհվել էր հինգ մարդ, որոնցից երեքը զինծառայողներ էին։ 2025 թվականի մարտին էլ Բարսովոյի բնակիչները տարհանվել էին անօդաչու թռչող սարքերի հարձակման սպառնալիքի պատճառով։

Թարգմանությունը՝ Էմմա Չոբանյանի