09.08.2026 | 13:13
Դաշտավանում ծեծկռտուք է եղել․ մասնակիցները հարվածել են քարերով, մահակներով և կռփազենքով
ԱՄՆ նախագահի բանագնաց Ուիթկոֆն այս շաբաթ կայցելի Մոսկվա․ Ուշակով
Քաղաքականություն
22.04.2025 | 18:42
ԱՄՆ նախագահ Դոնալդ Թրամփի Մերձավոր Արևելքի հարցերով հատուկ ներկայացուցիչ Սթիվ Ուիթկոֆը նախատեսում է այս շաբաթ այցելել Մոսկվա։ Այս մասին հայտնել է ՌԴ նախագահի օգնական Յուրի Ուշակովը, գրում է Իզվեստիան։
Նա, սակայն, չի նշել Ուիթկոֆի ժամանման օրը։
Հիշեցնենք, որ ապրիլի 11-ին Սանկտ Պետերբուրգում տեղի է ունեցել Ուիթկոֆի և Ռուսաստանի նախագահ Վլադիմիր Պուտինի հանդիպումը։ Բանակցությունների թեման Ուկրաինայում հակամարտության կարգավորման հարցերն էին։ Կրեմլի խոսնակ Դմիտրի Պեսկովն էլ բանակցությունների մեկնարկից առաջ նրանց հանդիպումն անվանել էր լավ հնարավորություն՝ Թրամփին ռուսական կողմի տեսակետը փոխանցելու համար։
Wall Street Journal-ը, հղում անելով արևմտյան պաշտոնյաներին, հաղորդել էր, որ Ուիթկոֆը կարող է կրկին այցելել Ռուսաստան՝ շաբաթվա վերջին Լոնդոնում կայանալիք ԱՄՆ-ի, Ուկրաինայի և Եվրոպայի ներկայացուցիչների հանդիպումից հետո։ Ապրիլի 23-ին նա մասնակցելու է Ուկրաինայի հակամարտության կարգավորման շուրջ բանակցությունների երկրորդ փուլին՝ ԱՄՆ պետքարտուղար Մարկո Ռուբիոյի և նախագահի հատուկ բանագնաց Քիթ Քելլոգի հետ միասին։
Հանդիպմանը մասնակցելու են նաև Ֆրանսիայի, Գերմանիայի, Մեծ Բրիտանիայի և Ուկրաինայի արտաքին գործերի նախարարներն ու ազգային անվտանգության խորհրդականները։
Թարգմանությունը՝ Էմմա Չոբանյանի
