08.09.2026 | 21:50
Գագիկ Խաչատրյանի միլիարդները մի բանակի ունեցվածք է․ ՀՀ-ի դեմ մեծ հանցագործություն է տեղի ունեցել․ Գուրգեն Սիմոնյան. ՏԵՍԱՆՅՈՒԹ
Հռոմի պապի աճյունը բաց դագաղով տեղադրվել է Կասա Սանտա Մարթա մատուռում․ Վատիկանը լուսանկարներ է հրապարակել
Քաղաքականություն
22.04.2025 | 12:23
Վատիկանը հրապարակել է լուսանկարների շարք, որոնցում հանգուցյալ Հռոմի Ֆրանցիսկոս պապն է՝ բաց դագաղում, փոխանցում է The Telegraph-ը։
Լուսանկարներն արվել են Վատիկանում Ֆրանցիսկոսի նստավայրի՝ Կասա Սանտա Մարթայի մատուռում, որտեղ մահացել է 88-ամյա կաթոլիկ քահանապետը։ Լրատվամիջոցը նշում է, որ լուսանկարներն արվել են երկուշաբթի և հրապարակվել այսօր առավոտյան։
Լուսանկարներից մեկում Քևին Ֆարելը՝ կամերլենգոն, որը կհսկի Սուրբ Աթոռը մինչև նոր Պապի ընտրությունը, օրհնում է Ֆրանցիսկոսին։
Երկուշաբթի երեկոյան Վատիկանը հայտարարեց, որ Հռոմի Ֆրանցիսկոս պապը մահացել է կաթվածից և սրտի անբավարարությունից։
Կարդինալները այսօր առավոտյան հանդիպում են՝ որոշելու Ֆրանցիսկոսի հուղարկավորության ամսաթիվը՝ սկսելով մի գործընթաց, որը կավարտվի երեք շաբաթից նոր Հռոմի պապի ընտրությամբ։
Ավելի վաղ Վատիկանը հրապարակել էր Հռոմի պապի կտակը, որում նա խնդրել է իրեն հուղարկավորել Սանտա Մարիա Մաջորե բազիլիկում՝ առանց որևէ հատուկ զարդարանքի։
Թարգմանությունը՝ Էմմա Չոբանյանի
