Հայաստանի ազգային պատկերասրահում շախմատի մրցաշար կանցկացվի

Լուրեր

19.11.2026 | 17:00
ԱՄՆ-ում ռուսաստանցի է ձերբակալվել լրտեսության մեղադրանքով․ նա հետևել է Ուկրաինային աջակցող ընկերության գործունեությանը
19.11.2026 | 16:51
Փաշինյանը դեկտեմբերի 3-ին կմեկնի Մոսկվա և կհանդիպի Պուտինի հետ․ ՏԵՍԱՆՅՈՒԹ
19.11.2026 | 16:46
Ամերիկյան AECOM-ը Մհեր Գրիգորյանին ներկայացրել է ԹՐԻՓՓ նախագծի տեխնիկատնտեսական ուսումնասիրության նախնական արդյունքները
19.11.2026 | 16:35
Բագրատ արքեպիսկոպոս Գալստանյանի տնային կալանքի ժամկետը 3 ամսով երկարաձգվեց
19.11.2026 | 16:24
Գրեթե բոլոր ռուսական բանկերը սանկցիաների տակ են, մեզ համար դա խնդիրներ է ստեղծում․ Մարտին Գալստյան․ ՏԵՍԱՆՅՈՒԹ
19.11.2026 | 16:13
Կրեմլը հայտնել է, որ Ուկրաինայի թեման ԱՄՆ-ի և Չինաստանի հետ եռակողմ հանդիպման առանցքային հարցը չի եղել
19.11.2026 | 16:05
Խվիչա Կվարացխելիան տարվա մարդ է ճանաչվել GQ France ամսագրի վարկածով
19.11.2026 | 15:55
Հայաստանի տնտեսությունը տուժել է, որպեսզի ընդդիմությունն ավելի շատ քվե ստանա՞․ Ռուբինյան․ ՏԵՍԱՆՅՈՒԹ
19.11.2026 | 15:51
Պուտինը, Թրամփն ու Սի Ցզինպինը համատեղ հռչակագիր են ընդունել․ ինչ կետեր են ներառված
19.11.2026 | 15:47
ՖԻՖԱ-ի նախագահի պաշտոնում առաջադրվել է երեք թեկնածու
19.11.2026 | 15:38
Թբիլիսիի բնակելի շենքերից մեկում պայթյուն է տեղի ունեցել․ փլատակների տակ 7 մարդ կա, այդ թվում՝ երեխաներ
19.11.2026 | 15:30
Վազգեն Սարգսյանի անվան ռազմական ակադեմիայի կուրսանտները մասնակցել են Չինաստանում անցկացված միջազգային ծրագրին
19.11.2026 | 15:21
Բաքուն արդարացրել է հայ գերիների շինծու դատավճիռները և Ֆրանսիային կոչ արել «զերծ մնալ Ադրբեջանի ներքին գործերին միջամտելուց»
19.11.2026 | 15:10
Փաշինյանը՝ իր հրաժարականի պայմանի մասին // Հայաստանը հրավիրվել է G20-ի գագաթնաժողովին․ ԼՈՒՐԵՐ
19.11.2026 | 15:04
Աթենքի Ակրոպոլիսի թանգարանում կբացվի «Հին Հայաստան» ցուցահանդեսը․ կներկայացվի ավելի քան 200 ցուցանմուշ
Բոլորը

Ապրիլի 26-ին և 27-ին Հայաստանի ազգային պատկերասրահում կկայանա երկօրյա շախմատային մրցաշար, որը կազմակերպում է «Freedom Broker Armenia»-ն՝ «Chessify» ընկերության և Հայաստանի շախմատի ակադեմիայի աջակցությամբ․ տեղեկացնում են Հայաստանի ազգային պատկերասրահից։

Մրցաշարի եզակիությունն արտահայտվում է ոչ միայն իր մշակութային բացառիկ վայրով, այլև յուրահատուկ ձևաչափով։ Մրցաշարը սիրողական է. մասնակցում են Հայաստանում գրանցված կազմակերպությունների աշխատակիցներից կազմված թիմեր՝ բացառությամբ պրոֆեսիոնալ շախմատային կառույցների։

Միջոցառման հիմնական նպատակն է խթանել ինտելեկտուալ համագործակցությունը, ամրապնդել թիմային ոգին և զարգացնել գործարար կապերը շախմատի միջոցով:

«Մենք համոզված ենք, որ ժամանակակից բիզնեսը պետք է ձգտի ոչ միայն արդյունքի, այլև արժեքների վրա հիմնված համագործակցության։ Շախմատը հենց այդպիսի հարթակ է՝ խելացի, կշռադատված որոշումների, ռազմավարական մտածողության և թիմային աշխատանքի խորհրդանիշ։ Հպարտ ենք նախաձեռնելու այս ձևաչափի առաջին մրցաշարը Հայաստանում՝ հստակ նպատակով՝ միավորել գաղափարակից կազմակերպություններ ու խթանել նորարար համագործակցություն», – նշել է «Freedom Broker Armenia»-ի տնօրեն Հովակ Հովակիմյանը:

Հայաստանի շախմատի ակադեմիայի հիմնադիր նախագահ Սմբատ Լպուտյանը նշել է. «Վերջին շրջանում մեծապես ողջունելի է այն միտումը, երբ տարբեր կազմակերպություններ ու հիմնարկներ նախաձեռնություն են ցուցաբերում շախմատի մրցաշարեր կազմակերպելու ուղղությամբ։ Ուզում եմ հատկապես ընդգծել «Freedom Broker Armenia» ընկերության կողմից կազմակերպվող այս մրցաշարը, որն առանձնանում է իր յուրահատուկ ձևաչափով։ Շատ ուրախալի է, որ մրցաշարը անցկացվում է այնպիսի ձևով, որը լայնորեն ընդունված է ողջ աշխարհում և կիրառվում է անգամ ՖԻԴԵ-ի կողմից՝ ընդգրկելով տարբեր կազմակերպությունների թիմեր, որոնց առաջին խաղատախտակին երբեմն մասնակցում են բարձրակարգ գրոսմայստերներ։ Սա առավել հետաքրքիր և դիտարժան է դարձնում մրցաշարը, քանի որ բարձրակարգ շախմատիստները հանդես են գալիս սիրողական մթնոլորտում՝ միաժամանակ բարձրացնելով մրցաշարի որակը։ Այս ձևաչափով մրցաշարն առաջին անգամ է անցկացվում Հայաստանում։ Ցանկանում եմ խորին շնորհակալություն հայտնել պարոն Հովակիմյանին՝ «Freedom Broker Armenia» ընկերության տնօրենին, ում նախաձեռնությամբ կայանում է այս բացառիկ միջոցառումը։ Մեծ ոգևորությամբ պատրաստ ենք համագործակցել՝ հավատալով, որ այն կդառնա իսկական շախմատային տոն և հարթակ կստեղծի կազմակերպությունների միջև առողջ մրցակցության համար։ Հուսով ենք, որ այս մրցաշարը կդառնա գեղեցիկ ավանդույթ՝ վայելելով աճող հետաքրքրություն ու սատարում՝ ինչպես մասնակիցների, այնպես էլ այլ կազմակերպությունների կողմից»։

Chessify-ի փոխնախագահ, գրոսմայստեր Զավեն Անդրիասյանը նշել է. «Միշտ կարևորել եմ ակումբային շախմատի զարգացումն ու մասսայականացումը Հայաստանում։ «Ֆրիդոմ» շախմատի մրցաշարը հրաշալի հնարավորություն է մի թիմում համախմբելու ինչպես պրոֆեսիոնալ, այնպես էլ շախմատասեր մասնակիցների։ «Չեսիֆայ»-ն էլ իր հերթին ուրախ է այս նախաձեռնության կայացմանն աջակցելու համար»:

Նշենք, որ առաջին տեղ գրաված թիմը կստանա «Freedom Holding Corp.»-ի (NASDAQ: FRHC) 3-ամսյա բաժնետոմս: Լավագույն արդյունք ցուցաբերած մասնակիցները կստանան հատուկ մրցանակներ՝ կեցություն «DiliJazz Hotel & Restaurant»-ում և «Perfecta Wellness & Spa»-ի կենտրոնում:

«Չեսիֆայ» ընկերությունը հաղթող թիմի անդամներին կտրամադրի «Master Combo» փաթեթի ամսական բաժանորդագություն, իսկ խաղատախտակների վրա լավագույն արդյունք ցույց տված մասնակիցներին՝ «Chessify Coin»։

Մրցաշարը կանցկացվի բարեկամական մթնոլորտում՝ առանց պրոֆեսիոնալ մրցակցային լարվածության և նպատակ ունի ներմուծել շախմատը գործարար մշակույթի շրջանակներում։