29.04.2026 | 23:40
Հայաստան–ՄԱԿ համագործակցություն․ ուշադրության կենտրոնում՝ խոցելի խմբերի պաշտպանությունը
Վարդան Ղուկասյանի երդմնակալության արարողությունը մեկնարկեց «Հայր մեր» աղոթքով, ապա հնչեց ՀՀ օրհներգը․ ՏԵՍԱՆՅՈՒԹ
Քաղաքականություն
19.04.2025 | 11:12
Գյումրիի քաղաքապետարանում այսօր՝ ապրիլի 19-ին, տեղի ունեցավ նորընտիր քաղաքապետ Վարդան Ղուկասյանի երդմնակալության արարողությունը:
Հատուկ նիստը սկսվեց «Հայր մեր» աղոթքով, ապա հնչեց ՀՀ օրհներգը։
Հիշեցնենք՝ ապրիլի 16-ին կոմկուսի ցուցակով առաջադրված Վարդան Ղուկասյանը 18 կողմ, 0 դեմ ձայներով ընտրվեց Գյումրիի համայնքապետ։
33 հոգանոց ավագանու կազմից նիստին ներկա էր 18-ը․ Վարդան Ղուկասյանի օգտին քվեարկեցին ընդդիմադիր ուժերը՝ «Մեր քաղաքը», «Իմ հզոր համայնքը» և «Մայր Հայաստան»-ը։ Ընտրություններին ամենաշատ ձայներ ստացած, բայց 14 մանդատով միանձնյա իշխանություն չձևավորած Սարիկ Մինասյանն ու թիմը բոյկոտել էին ավագանու անդրանիկ նիստը։ Բացի ՔՊ-ից, նիստը բոյկոտել էր նաև ավագանու մանդատից հրաժարված, «Մեր քաղաքը» դաշինքի քաղաքապետի թեկնածու Մարտուն Գրիգորյանի տղան՝ Կարեն Գրիգորյանը։ Բայց, այդուհանդերձ, Մարտուն Գրիգորյանը պահեց խոստումը և դաշինքի մյուս անդամները 5 ձայնով օգնեցին ընդդիմադիրների շարքում առավելագույն քվեներ հավաքած Ղուկասյանին քաղաքապետ ընտրվելու հարցում։
Մանրամասները՝ տեսանյութում։
