05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
ՊՎԾ-ի միջոցով մահակ եք դնում ՏԻՄ-երի գլխին, ճնշելու եք համայնքի ղեկավարներին․ ընդդիմադիր պատգամավոր․ ՏԵՍԱՆՅՈՒԹ
Քաղաքականություն
18.04.2025 | 10:48
Ազգային Ժողովում առաջին ընթարեցմամբ քննարկվում է «Պետական վերահսկողական ծառայության մասին» և կից օրենքներում փոփոխություններ նախատեսող օրենսդրական փաթեթն առաջին ընթերցմամբ։ Նոր փոփոխությամբ ՊՎԾ կազմում ձևավորվում է մասնագիտացված ստորաբաժանումը՝ Ֆինանսաբյուջետային հսկողության վարչությունը։ Նոր կարգավորմամբ ՏԻՄ մարմիններում վերահսկողություն իրականացվելու է նաև պետական բյուջեից համայնքներին տրված ֆինանսական միջոցների կառավարման օրինականության նկատմամբ։ Գործող օրենքով ծառայությունը ՏԻՄ-երում իրականացնում է ուսումնասիրություններ՝ պետական միջոցների տրամադրման համար հիմք հանդիսացող տեղեկատվության արժանահավատության գնահատման նպատակով։
«Հայաստան» խմբակցության պատգամավոր Արման Ղազարյանի կարծիքով՝ եթե այս օրենքն ուժի մեջ մտնի կվերանա համայնքների ինքնուրույնությունը։ Ըստ նրա՝ ՊՎԾ-ին մեծ հնարավորություն է տրվում ցանկացած պահի մտնել և ստուգումներ իրականացնել։ Ընդդիմադիր պատգամավորը հարց բարձրացրեց՝ համայնքապետարնները թափանցիկ ներկայացնում են կատարված ծախսերը, այդ դեպքում ի՞նչ անելիք ունի ՊՎԾ-ն։
«ՊՎԾ-ի միջոցով մահակ եք դնում ՏԻՄ-երի գլխին։ Սա ևս մեկ անգամ միջոց է ճնշելու համայնքի ղեկավարներին և Ձեր դաշտ բերելու»,- տեսակետ հայտնեց նա։
Մանրամասները՝ տեսանյութում։
