07.03.2026 | 22:11
Նոր նշանակումներ՝ մարմնամարզության Հայաստանի հավաքականներում
Այսօր պետություն ունենալու այնպիսի շանս ունենք, որը չենք ունեցել երբեք․ Փաշինյան․ ՏԵՍԱՆՅՈՒԹ
Քաղաքականություն
17.04.2025 | 16:50
ՀՀ վարչապետ Նիկոլ Փաշինյանն այսօր Կառավարության ծրագրի նախորդ տարվա կատարողականի եզրափակիչ ելույթում հայտարարեց, որ ընդդիմությունը չի ուզում այստեղ պետություն լինի։ Ըստ Փաշինյանի՝ նրանք ուզում են, որ այստեղ լինի հայրենիք, որովհետև հայրենիքը պետական սահման չունի։
««Հայրենիքը պետությունն է, սիրու՞մ ես հայրենիքդ, ուժեղացրո՛ւ պետությունդ»։ Ոմանց համար սա ատելի կարգախոս է, որովհետև կենացային հայրենասիրությունը գործնական և ամենօրյա հայրենասիրության փոխարինելու հրամայականի առաջ եք կանգնեցնում բոլորիս, որովհետև մեզ դուրս է դնում սանստեֆանոների և բեռլինների կոնֆերանսներում թղթե շերեփով դռների տակ կուչ եկած ուրիշների կողմից մեր ճակատագրի որոշմանը սպասողի կարգավիճակից ու մեզ պարտադրում է սեփական կարգավիճակը որոշողի բարդ, դժվար, երբեմն աներևակայելի, բայց հայրենիք-պետությունը, նրա հարատևությունը, նրա քաղաքացիների անվտանգությունն ու բարեկեցությունը՝ որպես նպատակակետ ունեցող որոշումներ։
Եվ այո՛, 2018 թվականից մեր բոլոր ռազմավարական որոշումները եղել են այդպիսին, և այո՛, դրա շնորհիվ այսօր մենք պետություն ունենալու այնպիսի շանս ունենք, որ չենք ունեցել երբեք։ Չենք ունեցել երբեք ու ասում եմ ամենապատասխանատու կերպով»,- հայտարարեց Փաշինյանը։
Մանրամասենրը՝ տեսանյութում։
