09.10.2026 | 13:48
Վարչապետի խոսնակը՝ Փաշինյանի՝ ադրբեջաներեն երգի ուղեկցությամբ հրապարակված տեսանյութի մասին
Եռակողմ ձևաչափում համագործակցության վերսկսումը կնպաստեր Հարավային Կովկասում խաղաղության և բարօրորության հաստատմանը․ Զախարովա
17.04.2025 | 18:36
ՌԴ ԱԳՆ պաշտոնական ներկայացուցիչ Մարիա Զախարովան այսօր ճեպազրույցում անդրադարձել է ՀՀ ԱԳ նախարար Արարատ Միրզոյանի հայտարարությանը, որ Բաքուն ու Երևանը երբեք այդքան մոտ չեն եղել խաղաղությանը, ինչպես այսօր, ինչպես նաև տարածաշրջանում հաղորդակցությունների ապաշրջափակմանը։
Նա նշել է, որ ՌԴ-ի, Ադրբեջանի և Հայաստանի միջև եռակողմ պայմանավորվածությունները պահպանում են իրենց ակտուալությունը։
«Եռակողմ ձևաչափում ամբողջական համագործակցության շուտափույթ վերսկսումը կնպաստեր խաղաղության ու բարօրորության հաստատմանը Հարավային Կովկասում։ Եվ, իհարկե, մենք պատրաստ ենք օգնել հայ և ադրբեջանցի գործընկերներին բոլոր առանքային ուղղություններով։ Մենք հիանալի մշակումներ ունենք տրասպորտային ու տնտեսական հաղորդակցության ուղիների ապաշրջափակման եռակողմ աշխատանքային խմբի շրջանակում՝ ՌԴ-ի, Ադրբեջանի և Հայաստանի փոխվարչապետների նախագահությամբ։ Մենք պատրաստ ենք կիսվել մեր փորձով սահմանների սահմանզատման ու սահմանագծման հարցում»,- ասել է Զախարովան։
Նա նշել է, որ իրենց մասնագետներն այդ ոլորտում լավագույններից են հետխորհրդային տարածքում և եզակի քարտեզագրական նյութեր ունեն, որոնք կարող են օգնել լուծել հայ-ադրբեջանական հակամարտության ընթացքում կուտակված հարցերը։
Թարգմանությունը՝ Էմմա Չոբանյանի
