02.08.2026 | 12:57
2008-ին, երբ ձեր հայրը նախագահ էր, հորս հրավիրեցին ԱԱԾ և հայրս երեք ամիս չեկավ. Ռուբինյանը՝ Քոչարյանին․ ՏԵՍԱՆՅՈւԹ
ՀՀ նախագահն ու «Եվրանեսթ» ԽՎ-ի համանախագահն ընդգծել են Եվրախորհրդի տարբեր հարթակներում արդյունավետ համագործակցությունը
15.04.2025 | 20:44
Հանրապետության նախագահ Վահագն Խաչատուրյանն ընդունել է «Եվրանեսթ» խորհրդարանական վեհաժողովի համանախագահ Սերգեյ Լագոդինսկիին:։Այս մասին տեղեկացնում են նախագահի աշխատակազմից։
Հանդիպման ընթացքում քննարկվել են երկկողմ օրակարգային հարցեր, անդրադարձ է կատարվել ՀՀ-ԵԽ հարաբերությունների առկա վիճակին և զարգացման հեռանկարներին։
Հանրապետության նախագահը մանրամասներ է ներկայացրել Հայաստանում իրականացվող ժողովրդավարական բարեփոխումների, մասնավորապես՝ ոստիկանության, դատաիրավական համակարգում, կոռուպցիայի դեմ պայքարի շրջանակներում ձեռնարկված միջոցառումները և հանրային կառավարման արդյունավետության բարձրացմանն ուղղված ջանքերի վերաբերյալ։
Նախագահն ընդգծել է Հայաստանի կայուն դիրքորոշումը և հավատարմությունը ժողովրդավարական ինստիտուտների կայացման գործընթացի և սկզբունքների վերաբերյալ, նշելով, որ երկրի զարգացման ներկա փուլում այս բարեփոխումները ունեն ռազմավարական նշանակություն:
Իր հերթին, «Եվրանեսթ» խորհրդարանական վեհաժողովի համանախագահ Սերգեյ Լագոդինսկին բարձր է գնահատել Հայաստանի ժողովրդավարական առաջընթացը և քաղաքական կամքը՝ շարունակելու հստակ քայլերն այս ուղղությամբ։
Հանդիպման ընթացքում ընդգծվել է Եվրախորհրդի տարբեր հարթակներում և ձևաչափերում արդյունավետ համագործակցությունը:
Կողմերը քննարկել են նաև Հարավային Կովկասում առկա մարտահրավերները և տարածաշրջանային կայունության հեռանկարները: Նախագահ Խաչատուրյանը շնորհակալություն է հայտնել Եվրամիության կողմից Հայաստանին ցուցաբերվող շարունակական աջակցության համար։
