19.12.2025 | 16:09
Ադրբեջանի Մեջլիսը դատապարտել է Բաքվի դեմ Եվրախորհրդարանի բանաձևը
Թալինում հրահանգվա՞ծ է մասնակցել Աննա Հակոբյանի շարժմանը. համայնքապետի պարզաբանումը
Քաղաքականություն
15.04.2025 | 13:50
ՀՀ վարչապետի տիկին Աննա Հակոբյանի «Կրթվելը նորաձև է» շարժումն ապրիլի 19-ին իր հերթական հանդիպումը Թալինում է ունենալու։
Համացանցում տարածվում է մի էկրանապատկեր (screenshot), որտեղ երևում է, թե ինչպես է Թալինի համայնքի ղեկավար Տավրոս Սափեյանը ապրիլի 9-ին էլեկտրոնային փոստով հաղորդագրություն ուղարկել և խնդրել իր գործընկերներին գրանցվել շարժմանը. «Հարգելի՝ գործընկերներ, մուտք գործեք վերոհիշյալ լինկով և գրանցվեք, կարող եք գրանցել նաև ցանկացողներին/աշխատակիցներին»,- երևում է էկրանապատկերում։
Factor TV-ն կապ հաստատեց Սափեյանի հետ տարածվող հրահանգի վերաբերյալ պարզաբանում ստանալու նպատակով։ Համայնքապետը, սակայն, հերքեց՝ որևէ աշխատակցի ոչինչ չի պարտավորեցրել.
«Որպես Թալին համայնքի ղեկավար և որպես «Քաղաքացիական պայմանագիր» կուսակցության խորհրդի անդամ ես որևէ կապ չունեմ «Իմ քայլը» հիմնադրամի «Կրթվելը նորաձև է» շարժման հետ։ Ներկա պահին դահլիճն ունի 300 տեղ, արդեն 400-ից անց դիմող կա, ի՞նչ կապ ունի համայնքի ղեկավարը կամ «ինչ դահլիճ» լցնել, որևիցե մեկը կապ չի ունեցել, որ դահլիճը լցվի, հրահանգ տանք աշխատողներին կամ մյուսներին, չկա նման բան»,- նշեց Սափեյանը։
Նշենք՝ Աննա Հակոբյանի գլխավորած շարժումն արդեն իսկ մի քանի մարզերում և համայնքներում իրականացրել է հանդիպումներ, որտեղ դասախոսություններով երբեմն հանդես է գալիս նաև վարչապետ Նիկոլ Փաշինյանը։
Ռոզա Վարդանյան
