Մենք ապրում ենք մի դարաշրջանում, երբ «կարմիր գծերը» գրեթե վերացել են. զրույց Արա Թադևոսյանի հետ. ՏԵՍԱՆՅՈՒԹ

Factor TV-ի A-politic հաղորդաշարի հյուրն է «Մեդիամաքս» մեդիաընկերության համահիմնադիր և տնօրեն Արա Թադևոսյանը: Նրա կարծիքով՝ Երրորդ հանրապետության պատմությանը վերաբերող փաստագրական նյութերը ցավալիորեն քիչ են: Ցանկալի կլինի, մասնավորապես, որ այս տասնամյակների ընթացքում պետության մեջ վճռական դերակատարություն ունեցած գործիչները հանդես գան իրենց հուշագրություններով: Հաղորդման հյուրի գրքերը Ռուբեն Վարդանյանի, ինչպես նաև Վանո Սիրադեղյանի ու Վազգեն Սարգսյանի մասին (երկրորդը՝ Լուսինե Ղարիբյանի համահեղինակությամբ), կոչված են լրացնել այդ բացը:

Ինչպե՞ս, ի՞նչ գործոնների ազդեցությամբ են փոխվում հասարակական ընկալումները, այդ թվում՝ մեր նորագույն պատմության կարևոր իրադրձությունների: Պատասխանելով այդ հարցին՝ լրագրողը նշում է մի քանի գործոններ՝ նշելով, օրինակ, որ «ցուրտն ու մութը», հնարավոր է, այն ժամանակ ապրող մարդկանց հիշողության մեջ ստվերել են հաղթանակները: Իսկ, ընդհանուր առմամբ, նրա կարծիքով, ընկալումների փոփոխությունները հաճախ տեղի են ունենում ոչ ցանկալի ուղղությամբ. հանրային քննարկումներում հատվում են «կարմիր գծերը»: Որպես օրինակ՝ բերվում է Ցեղասպանության մասին ներկայիս խոսույթը:

Արյդո՞ք Վազգեն Սարգսյանի և Վանո Սիրադեղյանի կամայականությունները, որոնք նրանք թույլ են տվել 1990-ականների առաջին կեսին, այսօր պետք է դատապարտվեն: Ըստ Արա Թադևոսյանի՝ դա պետք է անել 2025 թվականի «աչքերով», բայց ինչպե՞ս դա գնահատել 1992-93 թվականների տեսանկյունից, հաղորդման հյուրը դժվարանում է ասել:

Մանրամասները՝ տեսանյութում:

Արամ Աբրահամյան