09.10.2026 | 14:33
Վաղվանից ուժի մեջ կմտնեն Հայաստանի համար ԵՄ առևտրային արտոնությունները
Ալիևն աշխատանքային այցով Թուրքիա է ժամանել
10.04.2025 | 15:09
Ադրբեջանի նախագահ Իլհամ Ալիևն աշխատանքային այցով ժամանել է Թուրքիա՝ այդ երկրի նախագահի հրավերով մասնակցելու Անթալիայի 4-րդ դիվանագիտական ֆորումին։ Ադրբեջանական լրատվամիջոցների հաղորդմամբ՝ Ալիևը ժամանել է տիկնոջ՝ Մեհրիբան Ալիևայի հետ։
Անթալիայի միջազգային օդանավակայանում նրանց դիմավորել են Անթալիայի քաղաքապետ Հուլուսի Շահինը և այլ պաշտոնատար անձինք:
Հավելենք, որ Ալիևներից զատ՝ ֆորումին մասնակցելու են Ադրբեջանի ԱԳ նախարար Ջեյհուն Բայրամովը, ՊՆ ղեկավար Զաքիր Հասանովը, Ալիևի օգնական Հիքմեթ Հաջիևը, Ադրբեջանի նախագահի հատուկ ներկայացուցիչ Էլչին Ամիրբեկովը, այլ նախարարներ ու պաշտոնյաներ։
Անթալիայի դիվանագիտական ֆորումին Հայաստանից մասնակցելու են ԱԳ նախարար Արարատ Միրզոյանն ու ԱԺ փոխնախագահ, Թուրքիայի հետ հարաբերությունների կարգավորման գործընթացում ՀՀ հատուկ բանագնաց Ռուբեն Ռուբինյանը։
Թարգմանությունը՝ Էմմա Չոբանյանի
