12.01.2026 | 11:21
Իրանում ինտերնետը վերականգնելու համար Թրամփը կխոսի Իլոն Մասկի հետ
Անդրանիկ Քոչարյանի հարցով կարող է հանձնաժողով ստեղծվել
Քաղաքականություն
09.04.2025 | 15:46
ԱԺ աշխատակազմը դրական եզրակացություն է տվել ԱԺ ՔՊ խմբակցության պատգամավոր Անդրանիկ Քոչարյանի վարքի մասով Էթիկայի հանձնաժողով ստեղծելու նախաձեռնությանը: Այս մասին Factor.am-ի հետ զրույցում հայտնեց Ազգային ժողովի պատգամավոր Թագուհի Թովմասյանը։
Ըստ նրա` հարցն առաջիկայում կընդգրկվի Ազգային ժողովի քառօրյայի օրակարգում, հիմնական զեկուցողը լինելու է ինքը` «Պատիվ ունեմ» խմբակցությունից Թագուհի Թովմասյաանը:
Ազգային ժողովի աշխատակազմից այս տեղեկությունը դեռ չեն հաստատում։ ՔՊ խմբակցությունից Լիլիթ Մինասյանը Factor.am-ին փոխանցեց, որ հարցը դեռ չեն քննարկել և չի կարող ասել, թե ինչպես են քվեարկելու։
Հիշեցնենք, որ Անդրանիկ Քոչարյանի մասնակցությամբ միջադեպը տեղի է ունեցել մարտի 20-ին, լրագրողների հետ ճեպազրույցի ժամանակ: Անդրանիկ Քոչարյանը կոշտ տոնով պահանջել է լրագրող Հռիփսիմե Ջեբեջյանին հեռանալ իր կողքից, հայտարարել, որ նա իրեն խանգարում է, սպառնացել է չհեռանալու դեպքում հարցազրույց չտալ նաև այլ լրագրողների, իսկ վերջում ասել՝ «շրթունքներդ մա՛քրի»:
Ավելի ուշ Անդրանիկ Քոչարյանը հայտարարել էր, որ չի պատրաստվում ներողություն խնդրել, որ իր ասածի մեջ վիրավորական ոչինչ չի տեսնում, և որ ինքը պարզապես հղում է արել Բագրատ Սրբազանին:
Դրանից հետո լրագրողները էթիկայի հանձնաժողով ստեղծելու պահանջով ստորագրահավաք էին սկսել:
Նարեկ Կիրակոսյան
