22.06.2026 | 04:06
ԱԱ-2026. Ուրուգվայ – Կաբո Վերդե` 2:2. ՏԵՍԱՆՅՈՒԹ
Ալիևը հայտարարել է՝ ռազմական առճակատման վտանգ միշտ կլինի, քանի դեռ խաղաղության պայմանագիր չի ստորագրվել
Քաղաքականություն
09.04.2025 | 13:12
Թե ինչպես կզարգանա հետպատերազմյան իրավիճակը, հիմնականում կախված է Հայաստանից։ Այս մասին Ադրբեջանի նախագահ Իլհամ Ալիևը հայտարարել է Բաքվի ADA համալսարանում անցկացված «Դեպի նոր աշխարհակարգ» միջազգային ֆորումում ունեցած ելույթում։
«Մենք վերականգնել ենք մեր տարածքային ամբողջականությունը, ինքնիշխանությունը, վերջ դրել անջատողականությանը և վերահսկողության տակ առել մեր սահմանները։ Մեզ համար այս հարցը փակված է։ Բայց դա չի նշանակում, որ մենք պարզապես անտեսելու ենք հնարավոր սպառնալիքներն ու պոտենցիալ վտանգները»,- ասել է Ալիևը։
Նա հավելել է, թե «պետք է միշտ պատրաստ լինեն հակահարված տալու»։
«Քանի դեռ խաղաղության պայմանագիր չի ստորագրվել, և Հայաստանն ամբողջությամբ չի հրաժարվել Ադրբեջանի նկատմամբ բոլոր տարածքային պահանջներից, որոնք դեռևս առկա են նրա Սահմանադրության մեջ, և Ադրբեջանի հետ հարաբերությունները կարգավորելու իր վարքագծում անկեղծություն չի ցուցաբերել, նոր ռազմական առճակատման վտանգը միշտ գոյություն կունենա»,- հայտարարել է Ադրբեջանի նախագահը։
Թարգմանությունը՝ Էմմա Չոբանյանի
